लोकशाहीर संभाजी भगत यांचा संविधान गौरव दिनानिमित्त कार्यक्रम:संविधान जलसा गीतांनी वेधले लक्ष

‘वंदना हे माणसाला’, ‘सोडवा संविधान सोडवा’, ‘हे हिटलर के साथी’, ‘बया माणूस मारला’, ‘हे पालखीचे भोई’, ‘माझा भीम मले भेटतो बाई’ अशी एकापेक्षा एक सरस संविधान जलसा गीते सादर करत विद्रोही लोकशाहीर संभाजी भगत यांनी लक्ष वेधून घेतले. फुले-शाहू-आंबेडकर बहुउद्देशीय संस्था व बीएमए ग्रुपतर्फे संविधान गौरव दिनानिमित्त अशोकनगर येथे पोलिस चौकीसमोर हा कार्यक्रम झाला. बीएमए ग्रुपचे अध्यक्ष मोहन अडांगळे अध्यक्षस्थानी होते, तर प्रमुख पाहुणे म्हणून वरिष्ठ पोलिस निरीक्षक रणजित नलावडे, लेखाधिकारी पल्लवी काळे, राहुल बच्छाव आदी उपस्थित होते. संविधान पुरस्काराने यांचा सन्मान : सामाजिक क्षेत्रातील जुनेद शेख, ओमप्रकाश जाधव, डॉ. सुनीता खरे, डॉ. विशाल जाधव, ॲड. संजय रोकडे, भीमराव पटेकर, भगवान जाधव, प्रवीण नागरे, इंद्रभान सांगळे, सोमनाथ बोराडे यांना संविधान पुरस्कार देण्यात आला.