धनगरवाडीत दोन अज्ञातांंनी दाम्‍पत्‍याला मारहाण करून लुटले

या विषयी अधिक माहिती अशी की, आष्टी तालुक्यातील धनगरवाडी येथील रामहरी गावडे हे पत्नी मनीषासह घरात झोपले होते. २५ नोव्हेंबर रोजी पहाटे अडीच वाजण्याच्या दरम्यान अज्ञात चोरट्यांनी त्यांना मारहाण करत बळजबरीने अंगावरील व घरातील सोन्याचे दागिने त्याच बरोबर रोख रक्कम असा एकूण ४९ हजार ३०० रुपयांचा मुद्देमाल चोरून नेला. तसेच या दाम्पत्याच्या मुलालादेखील मारहाण करण्यात आली. त्यांनी आरडाओरड केल्यावर शेजारचे लोक धावले. मग हे चोरटे पळून गेले. या प्रकरणी अंभोरा पोलिस ठाण्यात रामहरी उत्तम गावडे यांच्या फिर्यादीवरून अज्ञात चोरट्यांविरुद्ध जबरी चोरीचा गुन्हा दाखल झाला आहे. पुढील तपास सपोनि मंगेश साळवे यांच्या मार्गदर्शनाखाली पोउपनि चंद्रकांत तावरे करीत आहेत.