शाळेच्या सुट्ट्या संपताच बसस्थानके गजबजली

Published on

: 

18 Nov 2024, 8:05 am

Updated on

: 

18 Nov 2024, 8:05 am

मतदारांचीही गर्दी

शाळां बरोबरच २० नोव्हेंबर मतदानाचा दिवस असल्याने कामानिमित्त शहरात असलेले तसेच कामांनिमित्त शहरांबाहेर गेलेले मतदार आपापल्या गावी परतत आहेत. त्यामुळेही रेल् बेसह विविध मार्गावरील बसला गर्दी वाढली आहे. ही गर्दी दोन दिवस राहणार असल्याची माहिती एसटीच्या सूत्रांनी दिली. मतदान प्रक्रिया संपल्यानंतर २१ नोव्हेंबर पासून प्रवाशांची गर्दी ओसरणार असल्याची माहिती सूत्रांनी दिली.

नोव्हेंबरअखेर नव्या लालपरीचे आगमन

राज्यातील विविध आगारांना सुमारे २५०० नवीन लालपरी प्रवाशांच्या सेवेत उतरवणार आहेत. त्याची सुरुवातही करण्यात आली आहे. पहिल्या टप्प्यात मुंबईसह कोकणात बस देण्यात येणार आहेत. तर दुसऱ्या टप्प्यात म्हणजे नोव्हेंबरमध्येअखेरपर्यंत छत्रपती संभाजीनगर विभागाला नवीन लालपरी मिळणार असल्याची माहिती सूत्रांकडून मिळाली. शासनाच्या वतीने राज्यात एसटी महामंडळाला नवीन बस देण्याची प्रक्रिया सुरू केली आहे. दुसऱ्या टप्प्यात मराठवाड्यातील काही जिल्ह्यांना या बस मिळणार आहेत. यात छत्रपती संभाजीनगर विभागाचाही समावेश असून नोव्हेंबरच्या अखेरीस २० नव्या कोऱ्या लालपरी मिळण्याची शक्यता व्यक्त करण्यात आली आहे. या बस मिळाल्यानंतर प्रवाशांना चांगली सेवा देता येणार आहे. त्याचबरोबर उत्पन्नातही वाढ होणार आहे.