शिंदेसेना-शिवसेना ‘उबाठा’ आले आमने-सामने, शिक्षण मंत्र्यांचा अवमान सहन करणार नाही- शिंदेसेना, शेतकऱ्यांच्या समस्यांकडे दुर्लक्ष- उबाठा’

शिक्षण मंत्री दादाजी भुसे यांना निवेदन देण्यासाठी गुरुवारी ६ फेब्रुवारीला दु. १.३० च्या सुमारास पोलिसांनाही न जुमानता शिवसेना ‘उबाठा’चे पदाधिकारी- कार्यकर्ते जिल्हाधिकारी कार्यालयातील महसूल भवनापुढे धडकले. त्याचवेळी भुसे यांच्या वाहनांवर कापूस, तूर भिरकावून त्यांचा अवमान करण्यात आल्यामुळे संतप्त शिवसेना शिंदे गटाचे पदाधिकारी कार्यकर्ते आमने-सामने आल्यामुळे त्यांच्या शाब्दीक चकमक झाली. दोन्ही गट आपापल्या नेत्यांच्या नावाने जोरदार घोषणाबाजी करीत होते. त्यामुळे जिल्हाधिकारी कार्यालयात काही वेळ उर्वरित. पान ४ ^राज्यातील तीन पक्षांच्या तिघाडा सरकारसह जिल्हाधिकाऱ्यांना शेतकऱ्यांच्या समस्यांशी काही घेणे-देणे नाही. म्हणूनच त्यांनी दरवाजा बंद करून घेतला. परिणामी शिवसेना ‘उबाठा’चे पदाधिकारी, कार्यकर्ते चिडले. त्यांनी शिक्षण मंत्र्यांच्या ताफ्यावर सोयाबिन, कापूस भिरकावला. पराग गुडधे, जिल्हा प्रमुख, शिवसेना उबाठा. सोयाबिन भिरकावल्याने कार्यकर्ते झाले संतप्त ^दादाजी भुसे हे राज्याचे शिक्षणमंत्री असून, शिवसेना शिंदे गटाचे नेते आहेत. त्यांचा जर कोणी अपमान करीत असेल तर ते आम्ही सहन करणार नाही. त्यांच्या वाहनावर कापूस, सोयाबिन भिरकावल्याचे कळाल्यामुळे कार्यकर्ते संतप्त झाले होते. -संतोष बद्रे, महानगर प्रमुख, शिवसेना शिंदे गट.