श्री नीलमणी गणेश ट्रस्टतर्फे सव्वा लाखांची औषधे गरजू रुग्णांना सुपूर्द:मनमाडमधील मंदिराच्या ‎पदाधिकाऱ्यांचा उपक्रम‎

आदिवासींना औषधे सुपूर्द करताना सदस्य. मनमाडमधील मंदिराच्या पदाधिकाऱ्यांचा उपक्रम प्रतिनिधी |मनमाड येथील श्री नीलमणी गणेश मंदिर ट्रस्टतर्फे गणेशोत्सवात गरीब रुग्णांसाठी शिल्लक औषध संकलन केंद्र सुरू करण्यात आले होते. उपचारानंतर शिल्लक असणारी परंतू मुदत वैधता बाकी असलेली आैषधे श्री नीलमणी गणेश मंदिरात देण्याचे आवाहन ट्रस्टतर्फे करण्यात आले होते. परिसरातील गणेश भक्तांनी आरोग्य सेवा उपक्रमास भरभरुन प्रतिसाद दिला. या औषध शिल्लक संकलन पेटीत सुमारे २३ हजार रुपयांपेक्षा जास्त किंमतीची औषधे संकलित झाली. श्री नीलमणी गणेश मंदिर ट्रस्टतर्फे २०१७ पासून आठ वर्षात सव्वा लाख रुपयांपेक्षा जास्त किमतीची औषधे संकलित करण्यात आली. अध्यक्ष किशोर गुजराथी, सचिव नितीन पांडे, उपाध्यक्ष शेखर पांगुळ, विश्वस्त गोविंद रसाळ आदींनी औषधे संबंधितांकडे सुपूर्द केली.