सांगली : आटपाडी बाजार समितीत सुनील सरक उपसभापती

आटपाडी : आटपाडी कृषी उत्पन्न बाजार समितीच्या उपसभापतिपदी शिवसेना शिंदे गटाच्या सुनील सरक यांची बिनविरोध निवड झाली. निवडीला भाजपचे चार आणि राष्ट्रवादीचा एक, असे पाच सदस्य गैरहजर होते.

उपसभापतिपदी राहुल गायकवाड यांनी राजीनामा दिल्याने उपसभापती पदाची निवडणूक झाली. सुनील सरक यांचा एकमेव अर्ज दाखल झाला. सूचक दादासाहेब सरगर तर अनुमोदक भगवान पाटील होते. हणमंतराव देशमुख, दादासाहेब हुबाले, शरदचंद्र काळेल, अमोल काटकर आणि गाढवे असे पाच सदस्य गैरहजर होते. निवडणूक निर्णय अधिकारी रोहित भगरे यांनी बिनविरोध निवड जाहीर केली. निवडीनंतर जिल्हा बँकेचे संचालक तानाजी पाटील, काँग्रेसचे जयदीप भोसले आणि रासपचे लक्ष्मण सरगर यांनी सरक यांचा सत्कार केला.