सांगली, मिरज आणि कुपवाडा शहर महापालिका आयुक्त शुभम गुप्ता यांच्या गाडीचा अपघात झाल्याची माहिती समोर येत आहे. या अपघातात शुभम गुप्ता यांच्या डोक्याला दुखापत झाल्याची प्राथमिक माहिती समोर येत आहे. त्यामुळे त्यांना खासगी रुग्णालयात दाखल करण्यात आलं आहे.
सांगलीतून एक मोठी बातमी समोर येत आहे. सांगली महानगरपालिकेचे आयुक्त शुभम गुप्ता यांच्या गाडीचा भीषण अपघात झाला आहे. सांगली शहरातील गव्हर्मेंट कॉलनीत गुप्ता यांची शासकीय गाडी एका खांब्याला धडकली. या अपघातात आयुक्त शुभम गुप्ता यांना डोक्याला दुखापत झाली आहे. त्यामुळे त्यांना तातडीने रुग्णालयात दाखल करण्यात आलं आहे. शुभम गुप्ता यांच्यावर मिरज येथील खाजगी रुग्णालयात उपचार सुरु आहेत.