हजरत गैबीपीर उरुसानिमित्त कळस मिरवणूक:मंगळवेढ्यात गुरुवारपासून उरुसाला सुरुवात, मंगळवारपर्यंत विविध कार्यक्रमांचे आयोजन‎

हजरत गैबीपीर उरुसानिमित्त गुरुवार दि ३० जानेवारी ते मंगळवारपर्यंत विविध कार्यक्रमाचे आयोजन करण्यात आल्याची माहिती हजरत गैबीपीर देवस्थान कमिटीचे सरपंच महेश हजारे यांनी दिली. मंगळवेढ्याचे ग्रामदैवत हजरत गैबीपीर उरुसानिमित्त गुरुवारी सायंकाळी ७ वाजता "कळसाची भव्य मिरवणूक व देवाचा गंध "या कार्यक्रमाचे उद्घाटन जिल्हा मध्यवर्ती बँकेचे माजी व्हा.चेअरमन बबनराव आवताडे यांच्या शुभहस्ते व माजी पालकमंत्री लक्ष्मण ढोबळे यांच्या अध्यक्षतेखाली होणार असून, शुक्रवारी पहाटे पाच वाजता शोभेच्या दारूकामाचे उद्घाटन कृषी उत्पन्न बाजार समितीचे माजी सभापती सोमनाथ आवताडे यांच्या हस्ते व माजी नगरसेवक अजित जगताप यांच्या अध्यक्षतेखाली होणार आहे. शुक्रवारी सकाळी १० वाजता महाप्रसादाचे वाटप धनश्री परिवाराचे संस्थापक प्रा.शिवाजीराव काळुंगे यांच्या हस्ते होणार आहे. अध्यक्षस्थानी राहुल शहा, या वेळी ॲड. बिराप्पा जाधव यांच्यासह अनेक मान्यवर उपस्थित राहणार आहेत. शुक्रवारी जंगी कव्वालीचे उद्घाटन आमदार समाधान आवताडे यांच्या हस्ते व माजी आमदार प्रशांत परिचारक यांच्या अध्यक्षतेखाली होणार आहे. यावेळी चंद्रकांत घुले उपस्थित राहतील. शनिवारी सायंकाळी ७ वाजता राधा पाटील मुंबईकर या निमंत्रित कलाकारांचा नृत्याविष्कार होईल. उद््घाटन आमदार अभिजित पाटील यांच्या हस्ते व सुजित कदम हे अध्यक्ष असतील. रविवारी दुपारी नामवंत मल्लांच्या कुस्त्यांचे मैदान या कुस्त्याच्या मैदानाचे उद्घाटन विठ्ठल कारखान्याचे माजी चेअरमन भगीरथ भालके यांच्या हस्ते व खरेदी विक्री संघाचे चेअरमन सिद्धेश्वर आवताडे यांच्या अध्यक्षतेखाली होणार आहे. प्रमुख उपस्थिती गैबीपीर उरूस कमिटीचे माजी सरपंच प्रशांत गायकवाड, सार्वजनिक शिवजयंतीचे माजी अध्यक्ष राहुल वाकडे, माजी नगरसेवक सोमनाथ माळी यांची असणार आहे.