हरियाणानंतर आता महाराष्ट्रातही भाजप खेळणार मास्टरस्ट्रोक? महिलांच्या खात्यात येणार…

हरियाणात तिसऱ्यांदा सरकार स्थापन करण्यासाठी भाजपला स्पष्ट बहुमत मिळाले आहे. 90 जागांच्या विधानसभेत भाजपला 48 जागा मिळाल्या आहेत. तर काँग्रेसला 37 जागा मिळाल्या. भाजपला हरियाणात पराभवाचा सामना करावा लागेल असं सर्वच एक्झिट पोलने म्हटलं होतं. पण तसं झालं नाही. उलट भाजपने तिसऱ्यांदा सत्तेत येत इतिहास रचला आहे. कारण पहिल्यांदाच कोणता पक्ष तिसऱ्यांदा सत्तेत आला आहे.

भाजपच्या विजयामागे त्यांनी दिलेलं आश्वासन असल्याचं म्हटलं जात आहे. कारण निवडणुकीत भारतीय जनता पक्षाने हरियाणात महिलांना दरमहा २१०० रुपये आणि शाळकरी मुलींना स्कूटर देण्याचे आश्वासन दिले होते. याशिवाय MSP वर 24 पिके खरेदी करणे, प्रत्येक अग्निवीराला सरकारी नोकरी देणे, जीवन आयुष्मान योजनेंतर्गत 10 लाखांचा आरोग्य विमा, तरुणांना 2 लाख नोकऱ्या आणि घर गृहिणी योजनेंतर्गत 500 रुपयांना LPG सिलिंडर देणे अशी अनेक आश्वासनं दिला होती. ही सर्व निवडणूक आश्वासने पूर्ण केल्यास राज्याची वित्तीय तूट २ टक्क्यांनी वाढेल. असा अंदाज आहे.

लोकसभा निवडणुकीत भाजपने अशी कोणतेही आश्वासने दिली नव्हती. याउलट काँग्रेसने अनेक आश्वासन दिल्याने त्यांचा फायदा झाला असेही बोलले जात आहे. काँग्रेसच्या अशा आश्वासनांचा मुकाबला करण्यासाठी भाजपने देखील हरियाणात वेगवेगळी आश्वासने दिली. या मोफत आश्वसनांमुळे भाजपला कोणत्याही परिस्थितीत मागे राहायचे नव्हते, म्हणून त्यांनी अशी आश्वासनेही दिली.

2023 मध्ये कर्नाटकातील भाजपला पराभवाचा सामना करावा लागला होता. या निवडणुकीत त्यांनी धडा घेत मध्य प्रदेश, छत्तीसगड, राजस्थान, तेलंगणा या राज्यांच्या विधानसभा निवडणुकीत मोठी आश्वासन दिले. विधानसभा निवडणुकीत याचा भाजपला फायदा झाला. त्यामुळे मध्य प्रदेश, राजस्थान आणि छत्तीसगड या तीन राज्यांत भाजपने सरकार स्थापन केले.

ओडिसात पहिल्यांदा आलं सरकार

ओडिशा विधानसभा निवडणुकीत ही भाजपने अशीच अनेक आश्वासने दिली होती. त्यानंतर ओडिसात पहिल्यांदा भाजपचं सरकार स्थापन झालं. लोकसभा निवडणुकीत भाजपने राष्ट्रीय स्तरावर असे कोणतेही मोठे आश्वासन दिले नव्हते. पण काँग्रेसने महिलांना वर्षाला एक लाख रुपये देण्याचे आश्वासन दिले होते. राहुल गांधी म्हणाले होते की, पैसा लवकरच येईल, पण भाजपने १० वर्षे सरकार असतानाही असे कोणतेही आश्वासन देण्याचे टाळले होते. भाजपच्या जागा कमी झाल्या आणि आता तिसऱ्या टर्ममध्ये सरकार चालवण्यासाठी मित्रपक्षांचा पाठिंबा घ्यावा लागला. काँग्रेसने काही राज्यांमध्ये जुनी पेन्शन योजना (OPS) लागू करण्याबाबत आश्वासन दिले होते. आता मोदी सरकारने UPS (युनिफाइड पेन्शन योजना) जाहीर केली आहे.

महाराष्ट्र आणि झारखंडकडे नजर

महाराष्ट्र आणि झारखंडमध्ये पुढील महिन्यात विधानसभा निवडणुका होणार आहेत. महाराष्ट्रात भाजपच्या पाठिंब्यावर चालणारे शिंदे सरकार लाडकी बहिन योजना राबवत आहे, ज्यामध्ये महिलांना दरमहा १५०० रुपये दिले जात आहेत. झारखंडमध्येही भाजपने सत्तेत आल्यास गोगो दीदी योजनेंतर्गत महिलांना दरमहा २१०० रुपये देण्याचे आश्वासन दिले आहे.