हिंदू महापुरुषांचा अवमान करणाऱ्यांचे मुंडके छाटा:त्यांच्या मुंडक्यांच्या माळा कालीमातेला घाला, कालीचरण महाराज यांचे वादग्रस्त विधान

छत्रपती शिवाजी महाराज, छत्रपती संभाजी महाराजांसारख्या हिंदू महापुरुषांचा अवमान करणाऱ्यांचे मुंडके छाटले पाहिजे. तसेच त्यांच्या मुंडक्यांची माळ कालीमातेला घातली पाहिजे, असे वादग्रस्त विधान कालीचरण महाराज यांनी केले आहे. अभिनेते राहुल सोलापूरकर यांनी नुकतेच छत्रपती शिवाजी महाराजांविषयी एक वादग्रस्त विधान केले होते. शिवाजी महाराजांनी मोगलांना लाच देऊन स्वतःची आग्र्याहून सुटका करून घेतली होती, असे ते म्हणाले होते. त्यानंतर त्यांच्यावर टीकेची झोड उठली होती. या पार्श्वभूमीवर कालीचरण महाराज यांनी उपरोक्त विधान केलेका हिंदू महापुरुषांचा अपमान करणाऱ्यांना हाच दंड असतो. विशेषतः ज्या लोकांना आत्महत्या करण्याची हौस आली आहे, त्यांनी स्वतःच्या जीवनाचे सार्थक करून स्वतःच्या मुंडके उतरवून जीव द्यावा. त्यातच हिंदूंचे कल्याण आहे. एकनाथ शिंदे हेच बाळासाहेबांचे खरे वारस कालीचरण महाराजांनी यावेळी उपमुख्यमंत्री एकनाथ शिंदे हेच बाळासाहेब ठाकरे यांच्या विचारांचे खरे वारस असल्याचाही दावा केला. बाळासाहेब ठाकरे कट्टर हिंदुत्ववादी होते. त्यामुळे एक कट्टर हिंदुत्ववादीच त्यांचा वारस ठरेल. एकनाथ शिंदे कट्टर हिंदुत्ववादी आहेत. त्यामुळे त्यांची शिवसेना हीच खरी शिवसेना आहे असे मला वाटते. कोणताही पक्ष विचारांवर चालतो. शिवसेनेचा विचार कट्टर हिंदुत्ववादी आहे. हिंदू राष्ट्र आहे. शिंदे त्याचे प्रतिनिधी आहेत, असे ते म्हणाले. हिंदूंसाठी सनातन धर्माची स्थापना झाली पाहिजे. ज्या लोकांनी हिंदूंच्या जमिनी बळकावल्या त्या लोकांनी त्या परत केल्या पाहिजेत. त्यात ज्या जमिनींचे मालक अस्तित्वात नाहीत त्यांच्या जमिनी सनातन धर्माकडे गेल्या पाहिजेत. त्यानंतर त्याचा उपयोग हिंदूंच्या कल्याणासाठी झाला पाहिजे, असेही कालीचरण महाराज यावेळी म्हणाले. तंत्र-मंत्र, जादूटोणा या प्रत्येकाच्या खासगी गोष्टी शिवसेनेच्या ठाकरे गटाचे खासदार संजय राऊत यांनी मुख्यमंत्र्यांचे निवासस्थान असणाऱ्या वर्षा बंगल्यासंदर्भात एक वादग्रस्त विधान केले आहे. वर्षा बंगल्यात काळी जादू असल्याचा आरोप त्यांनी केला आहे. त्यांच्या या विधानावर भाष्य करताना कालीचरण महाराज म्हणाले, प्रत्येकाला आपले मत मांडण्याचा अधिकार आहे. संजय राऊत यांच्या विधानावर मुख्यमंत्री संजय राऊत यांनी कोणतीही प्रतिक्रिया दिला नाही. तंत्र मंत्र असतात, जादूटोणा असतो यात संशय नाही, असे कुणी करत असेल तर त्या त्याच्या खासगी गोष्टी आहेत.