ఆస్ట్రేలియాకు బిగ్ షాక్.. ఛాంపియన్స్ ట్రోఫీ నుంచి స్టార్ ప్లేయర్ ఔట్.. కారణం ఏంటంటే?

2 hours ago 1

Champions Trophy 2025: ఫిబ్రవరి 19 నుంచి ప్రారంభమయ్యే ఛాంపియన్స్ ట్రోఫీ కోసం అన్ని జట్లు బిజీగా ఉన్నాయి. ఆతిథ్య పాకిస్తాన్ మినహా, మిగిలిన అన్ని జట్లు తమ జట్టులను ప్రకటించాయి. ఆస్ట్రేలియా కూడా చాలా కాలం క్రితమే తన జట్టును ప్రకటించినప్పటికీ ఇప్పుడు బిగ్ షాక్ తగిలింది. పవర్ ఫుల్ ఆల్ రౌండర్ మిచెల్ మార్ష్ గాయం కారణంగా టోర్నీకి దూరమయ్యాడు. మార్ష్ వెన్ను గాయంతో బాధపడుతున్నాడు. మెల్‌బోర్న్‌లో భారత్‌తో జరిగిన బోర్డర్-గవాస్కర్ ట్రోఫీ టెస్ట్‌లో చివరిగా ఆస్ట్రేలియా తరపున ఆడాడు. ఆ తర్వాత ఆఖరి టెస్టు నుంచి అతడిని తప్పించారు. బిగ్ బాష్ లీగ్‌లో ఒక మ్యాచ్ కూడా ఆడాడు.

వెన్ను గాయానికి గురైన మిచెల్ మార్ష్..

ఛాంపియన్స్ ట్రోఫీ 2025 నుంచి మిచెల్ మార్చ్‌ను మినహాయించడం గురించి క్రికెట్ ఆస్ట్రేలియా తెలియజేసింది. మార్ష్ స్థానాన్ని త్వరలోనే ప్రకటిస్తామని కూడా పేర్కొంది. క్రికెట్ ఆస్ట్రేలియా ఈ మేరకు ఓ ప్రకటన విడుదల చేసింది. “నేషనల్ సెలక్షన్ ప్యానెల్, ఆస్ట్రేలియన్ వైద్య బృందం గాయం కారణంగా పునరావాసానికి తగిన విధంగా స్పందించని కారణంగా టోర్నమెంట్‌కు దూరంగా ఉన్నాడు. అతని నడుము నొప్పి ఇటీవలి వారాల్లో పెరిగింది. భవిష్యత్ మేరకు అతనికి విశ్రాంతిని ఇచ్చాం. మార్ష్‌కు ప్రత్యామ్నాయాన్ని త్వరలోనే వెల్లడిస్తాం’ పేర్కొంది.

ఇవి కూడా చదవండి

🚨 Mitchell Marsh retired of #ChampionsTrophy2025 with a backmost injury.

Faces a contention against clip to beryllium acceptable for #IPL2025 ⌛️ pic.twitter.com/qmn5vhHiVT

— Cricbuzz (@cricbuzz) January 31, 2025

వైట్ బాల్ క్రికెట్‌లో ఆస్ట్రేలియాకు మిచెల్ మార్ష్ చాలా ముఖ్యమైన ఆటగాడు. గత కొన్ని సంవత్సరాలుగా బ్యాట్‌తో కూడా ముఖ్యమైన సహకారాన్ని అందించాడు. ఇటువంటి పరిస్థితిలో, అతనిని మినహాయించడం పెద్ద దెబ్బ, ఎందుకంటే శస్త్రచికిత్స కారణంగా కామెరాన్ గ్రీన్ కూడా టోర్నమెంట్‌లో భాగం కాదు. ఇప్పుడు ఆస్ట్రేలియా జట్టులో ప్రత్యామ్నాయంగా ఎవరికి అవకాశం లభిస్తుందో చూడాలి.

ఛాంపియన్స్ ట్రోఫీ కోసం ఆస్ట్రేలియా జట్టు: పాట్ కమిన్స్ (కెప్టెన్), అలెక్స్ కారీ, నాథన్ ఎల్లిస్, ఆరోన్ హార్డీ, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లాబుస్‌చాగ్నే, గ్లెన్ మాక్స్‌వెల్, మాథ్యూ షార్ట్, స్టీవ్ స్మిత్, మిచెల్ స్టార్క్, మార్కస్ స్టోయినిస్, ఆడమ్ జాంపా.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article