1,170 विद्यार्थ्यांनी घेतली शरिराची माहिती:विदर्भ आयुर्वेदिक महाविद्यालयात ‘शरीरम् ऑर्गन एक्स्पो’; शरीर रचना विभागाचा उपक्रम‎

साधारणत: आपले शरीर बाहेरून साधे सरळ दिसत असले तरी शरीराच्या आतील शारीरिक यंत्रणा किती सूक्ष्म स्तरावर कार्य करत असते, याबाबत सर्वसामान्य अनभिज्ञ असतात. अंतर्गत शारीरिक यंत्रणा, हृदय, फुफ्फुस, यकृत, मूत्रपिंड, स्वादूपिंड, लहान व मोठे आतडे या अवयवांची कार्य पद्धती आणि संपूर्ण शरीराला निरोगी ठेवण्याचे ज्ञान वैद्यकीय शिक्षणाचा भाग असला तरी सर्वसामान्यांना याबाबत जिज्ञासा नेहमीच असते. विद्यार्थ्यांची ही जिज्ञासा श्री हनुमान व्यायाम प्रसारक मंडळद्वारा संचालित विदर्भ आयुर्वेदिक महाविद्यालयाने खऱ्या मानवी अवयवांच्या प्रदर्शनातून पूर्ण केली. महाविद्यालयातील नवोदित डॉक्टर विद्यार्थ्यांनी विविध शाळा, महाविद्यालयातील तब्बल १ हजार १७० पेक्षा जास्त विद्यार्थ्यांना शवविच्छेदनातून प्राप्त शरीरातील अवयवांची ओळख, कार्य पद्धती आणि त्यांना निरोगी ठेवण्याची माहिती दिली. यामुळे विद्यार्थ्यांना शरीरातील अवयव प्रत्यक्ष बघता आले. सोबतच ते कसे कार्य करतात, त्यांची रचना कशी आहे, ते शरीराच्या कोणत्या भागात असतात याबाबत सखोल माहिती मिळाली. विदर्भ आयुर्वेदिक महाविद्यालयाच्या शरीर रचना विभागातर्फे ३ फेब्रुवारीला सकाळी ९ ते १२ या वेळेत ‘शरीरम ऑर्गन एक्स्पो’चे आयोजन केले होते. डॉ. अतुल जैन यांच्या मार्गदर्शनात आयोजित प्रदर्शनात शाळा व महाविद्यालयातील विद्यार्थ्यांना शरीरातील खऱ्या अवयवांची ओळख, माहिती दिली . हे प्रदर्शन वैद्यकीय शिक्षण घेणारे विद्यार्थी व प्रदर्शनास विद्यार्थी वर्गाकरिता दुहेरी ज्ञान वर्धक ठरली. यामुळे बीएएमएस विद्यार्थ्यांचा सराव तर इतर विद्यार्थ्यांना शरीराची रचना, अवयवांची ओळख होऊन शरीराला निरोगी कसे ठेवावे याचे महत्व कळल्याचे त्यांनी सांगितले. वैद्यकीय शिक्षण घेणाऱ्यांसाठी ज्ञानवर्धक