87 एकर शासकीय जमीन परस्पर विक्रीचा प्रयत्न:नरसी नामदेव येथील प्रकार, तत्कालीन उपविभागीय अधिकाऱ्यांवर शिस्तभंगाची कारवाई करण्याच्या सूचना

3 hours ago 1

नरसी नामदेव येथील शासकिय जमीन इतरांच्या नावे केल्याचा प्रकार उघड झाला असून आता सदर जमिनीचे गहाणखत किंवा विक्री करण्याचे प्रयत्न सुरु झाले आहेत. त्यामुळे नागरीकांची फसवणूक होण्याची शक्यता नाकारता येत नसल्याचे चित्र आहे. तर जमिनीच्या विरासत मंजूरीची कार्यवाही करणाऱ्या तत्कालीन उपविभागीय अधिकाऱ्यांवर शिस्तभंगाची कार्यवाही करण्याच्या सूचना शासनाने दिल्या आहेत. नर्सी नामदेव येथील गट क्रमांक ७५०, ७५१, ७५२, ७३४, ६५६ मधील सुमारे ८७ एकर जमीन तत्कालीन राज्यमंत्र्यांच्या ता. २४ ऑगस्ट १९८१ रोजीच्या आदेशानुसार जमीनीचा शर्तभंग झाल्यामुळे सदर जमीन शासन जमा करण्यात आली आहे. त्यामुळे सदर जमीनीवर कोणाचाही हक्क नव्हता. मात्र त्यानंतर या जमीनीचे बेकायदेशीररित्या गहाणखत तसेच विक्री करण्याचे प्रयत्न सुरु झाले होते. त्यामुळे नागरीकांची फसवणुक होण्याची शक्यता लक्षात घेऊन आमदार तान्हाजी मुटकुळे यांनी २०२४ मधील पावसाळी अधिवेशनात प्रश्‍न उपस्थित केला होता. त्यानुसार या जमीनीबाबत नांदेडच्या अप्पर जिल्हाधिकारी कार्यालयाकडून सविस्तर चौकशी करून अहवाल मागविण्यात आला होता. त्यानुसार अप्पर जिल्हाधिकारी कार्यालयाने सविस्तर अहवाल शासनाकडे सादर केला. यामध्ये सदर जमीनीचे हस्तांतर करतांना कुठल्याही प्रकारच्या कागदपत्रांची शाहनिशा करण्यात आली नसल्याचे अहवालात नमुद करण्यात आले होते. त्यानंतर या अहवालावरून शासनाने तातडीने जिल्हा प्रशासनाला पत्र देऊन तत्कालीन उपविभागीय अधिकारी यांनी ता. ६ डिसेंबर २०१३ रोजी दिलेल्या आदेशानुसार विरासत मंजूरीची कार्यवाही बेकायदेशीर ठरत असल्याचे नमुद करून तत्कालीन उपविभागीय अधिकाऱ्यावर शिस्तभंगाची कारवाई करण्याचे आदेश दिले आहेत. या शिवाय विभागीय आयुक्तांच्या मान्यतेने ता. ६ डिसेंबर २०१३ रोजी दिलेल्या आदेशाचे संदर्भात योग्य ती कार्यवाही करण्याच्या सुचनाही दिल्या आहेत. त्यानुसार सदर गट क्रमांकामधील जमीन पुन्हा शासनाच्या नावे जमा करण्याच्या हालचाली सुरु झाल्या आहेत. मात्र या प्रकरणात काही व्यक्तींकडून या जमीनी गहानखत, विक्री करण्याचे प्रयत्नही सुरु झाल्याने नागरीकांची फसवणुक होण्याची चिन्हे दिसू लागली आहेत. त्यामुळे सदर जमीन तातडीने ताब्यात घेण्याची प्रक्रिया पूर्ण करावी अशी मागणी केली जात आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article