Amravati Assembly Elections: चुलीत गेली दारू अन चुलीत गेलं मटण, मी दाबेल आता निवडणुकीत मतदानाचं बटण!

अमरावती तालुका स्विप कक्षाच्या पथनाट्याची धमाल

अमरावती (Amravati Assembly Elections) : मतदानाचा टक्का वाढविण्यासाठी स्विप कक्षा अंतर्गत जिल्ह्यात विविध उपक्रम राबविले जात असून अमरावती तालुका स्विप कक्षाच्या पथनाट्याने धूम केली आहे.” चुलीत गेली दारू अन चुलीत गेलं मटण, मी दाबेल निवडणुकीत मतदानाचं बटण ” म्हणत गावागावातील चौकाचौकात धमाल उडविली आहे. या (Amravati Assembly Elections) पथनाट्याच्या वऱ्हाडी भाषेतील सादरीकरणाला ग्रामिण भागात उत्स्फूर्त प्रतिसाद मिळत असून पथनाट्य पाहण्यासाठी लोकांची गर्दी होत आहे.

पाहण्यासाठी ग्रामिण भागात उसळतेय लोकांची गर्दी

स्विप कक्षाच्या जिल्हा नोडल अधिकारी तथा मुख्य कार्यकारी अधिकारी संजीता मोहपात्रा, शिक्षणाधिकारी बुधभूषण सोनोने (BudhBhushan Sonone) यांच्या मार्गदर्शनाखाली जिल्ह्यातील विविध विधानसभा मतदार संघात स्विप कक्षा अंतर्गत मतदार जनजागृतीसाठी उपक्रम राबविले जात आहे. (Amravati Assembly Elections) अमरावती पंचायत समितीचे गटविकास अधिकारी सुदर्शन तुपे, तालुका नोडल अधिकारी तथा गटशिक्षणाधिकारी धनंजय वानखडे यांच्या प्रमुख उपस्थितीत मतदार जनजागृती संदर्भात पथनाट्याचे रेवसा, कठोरा व नया अकोला येथील चौकाचौकात सादरीकरण करण्यात आले. यावेळी पथनाट्य पाहण्यासाठी लोकांची एकच गर्दी उसळली होती.

पथनाट्यातील ” चुलीत गेली दारू अन चुलीत गेलं मटण, मी आता दाबेल निवडणुकीत मतदानाचे बटण ” या वऱ्हाडी भाषेतील संवादाने धमाल उडवून दिली. यादरम्यान, शंभर टक्के मतदारांनी (Amravati Assembly Elections) मतदान करण्याचे गटविकास अधिकारी सुदर्शन तुपे आणि गटशिक्षणाधिकारी धनंजय वानखडे यांनी आवाहन केले. गावागावात या पथनाट्याच्या सादरीकरणाला लोकांचा उत्स्फूर्त प्रतिसाद मिळत आहे. शिक्षण विस्तार अधिकारी सुधिर खोडे यांच्या प्रमुख मार्गदर्शनात वैशाली वऱ्हाडे, नलिनी गोरे, कविता उघडे, अश्विनी पोकळे, सारीका काळे, संगीता रूपनारायण, सचिन वानखडे यांनी पथनाट्याचे उत्कृष्ट सादरीकरण केले. पथनाट्यातील कलाकारांचे एकसारखे पोशाख सर्वांचे लक्ष वेधून घेत होते.

यादरम्यान मतदार राजा जागा हो, लोकशाहीचा धागा हो अशा (Amravati Assembly Elections) मतदार जनजागृती संदर्भात घोषणा देऊन उपस्थित नागरिकांना मतदान करण्यासाठी शपथ देण्यात आली. यावेळी अनेक महिला व पुरुष, वृध्द मतदार उपस्थित होते. कार्यक्रमाला गटविकास अधिकारी सुदर्शन तुपे, गटशिक्षणाधिकारी धनंजय वानखडे, शिक्षण विस्तार अधिकारी सुधिर खोडे, बालविकास प्रकल्प अधिकारी अर्चना ठाकरे, तालुका स्विप कक्षाचे विनायक लकडे, केंद्रप्रमुख स्मृती बाबरेकर, नंदकुमार झाकर्डे, इकबाल सर, अफसर खान, अंगणवाडी सेविका सुषमा काळबांडे, महानंदा बोडे, ग्रामसेवक लघुत्तमा धोटे, श्री.चव्हाण, मुख्याध्यापक अपर्णा सोनटक्के, जयकुमार कांडलकर, मच्छिद्र अभ्यंकर, आशा वर्कर, केंद्रप्रमुख, मुख्याध्यापक, शिक्षक यांच्यासह नागरिकांची उपस्थिती होती. अशी माहिती तालुका स्विप कक्षाचे प्रसिद्धी प्रमुख विनायक लकडे यांनी दिली.