IND vs AUS : कसोटी क्रिकेटमध्‍ये प्रथमच असं घडलं..! पर्थमध्‍ये नेमका कोणता विक्रम झाला?

5 hours ago 1

IND vs AUS : पॅट कमिन्स, मिचेल स्टार्क, जोश हेझलवूड आणि फिरकीपटू नॅथन लियॉन यांनी शुक्रवारी (दि. २२) इतिहास रचला.

Published on

22 Nov 2024, 8:23 am

Updated on

22 Nov 2024, 8:23 am

पुढारी ऑनलाईन डेस्‍क : बॉर्डर-गावस्कर ट्रॉफीतील पहिल्‍या कसोटी सामन्‍यास आज ऑस्‍ट्रेलियातील पर्थच्‍या मैदानावर प्रारंभ झाला. या सामन्‍यात ऑस्‍ट्रेलियाच्‍या गोलंदाजांनी नवा विक्रम आपल्‍या नावावर नोंदवला. ऑस्‍ट्रेलियाच्‍या भेदक मार्‍यासमोर भारताचा पहिला डाव अवघ्‍या १५० धावांवर आटोपला.

एकत्र खेळून 500 कसोटी बळीचा विक्रम

पॅट कमिन्स, मिचेल स्टार्क, जोश हेझलवूड आणि फिरकीपटू नॅथन लियॉन या वेगवान गोलंदाजांनी शुक्रवारी इतिहास रचला. कारण त्‍यांनी एकत्र खेळून 500 कसोटी बळी घेण्‍याचा नवा विक्रम केला आहे. अशी कामगिरी करणारे ते कसोटी इतिहासातील पहिले समकालीन गोलंदाज ठरले आहे. एकत्र खेळताना कमिन्सने 130, हेझलवूड आणि स्टार्कने 124 आणि लियॉनने 22 विकेट्स घेत एकत्रपणे ५०० बळी पूर्ण केले आहेत. इंग्लंडचे जेम्स अँडरसन, स्टुअर्ट ब्रॉड, बेन स्टोक्स आणि मोईन अली यांनी कसोटीत एकत्र खेळताना ४१५ विकेट्स घेतल्या आहेत. मात्र, आता आंतरराष्ट्रीय क्रिकेटमध्ये फक्त स्टोक्स हा एकमेव सक्रिय खेळाडू आहे. त्‍यामुळे जगातील अनेक देशांपेक्षा ऑस्‍ट्रेलियाचे हे समकालीन खेळाडू खूपच आघाडीवर आहेत.

ऑस्‍ट्रेलियाचे कसोटीमध्‍ये सर्वाधिक बळी घेणारे गोलंदाज

ऑस्‍ट्रेलियाचे कसोटीमध्‍ये सर्वाधिक बळी घेणारे गोलंदाज, कंसात विकेट : शेन वॉर्न (708 ), ग्लेन मॅकग्रा (563), ब्रेट ली (310 ) आणि जेसन गिलेस्पी (259).

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article