IPL Mega Auction : ‘सॉरी श्रेयस..’, प्रिती झिंटाकडून श्रेयस अय्यरची माफी, पाहा व्हीडिओ

2 hours ago 2

सौदी अरेबिया येथील जेद्दाह शहरात 24 आणि 25 नोव्हेंबरला 2 दिवसीय आयपीएल 2025 मेगा ऑक्शन पार पडलं. या मेगा ऑक्शनमध्ये ऋषभ पंत हा आयपीएलच्या इतिहासातील सर्वात महागडा खेळाडू ठरला. तसेच 13 वर्षीय वैभव सूर्यवंशी यानेही भाव खाल्ला. वैभव सूर्यवंशी हा आयपीएल इतिहासातील सर्वात युवो कोट्यधीश ठरला. वैभवसाठी राजस्थानने 1 कोटी 10 लाख रुपये मोजले. तर टीम इंडियाचा विस्फोटक फलंदाज आणि गतविजेच्या केकेआरचा कर्णधार श्रेयस अय्यर हा दुसरा सर्वात महागडा खेळाडू ठरला. केकेआरने करारमुक्त केल्यानंतर पंजाब किंग्सने श्रेयसवर मोठी बोली लावत त्याला आपल्या गोटात घेतलं.

पंजाबने श्रेयससाठी 26 कोटी 75 लाख रुपये इतकी मोठी बोली बोलून आपल्याकडे घेतलं.मात्र काहीच वेळात अभिनेत्री आणि पंजाब किंग्सची को-ऑनर असलेली प्रिती झिंटा हीने श्रेयसला संपूर्ण रक्कम मिळणार नाही, असं म्हटलं आणि त्यासाठी अय्यरची ऑन कॅमेरा माफी मागतिली. नक्की काय झालं? तसेच प्रिती झिंटा हीने काय म्हटलं हे आपण जाणून घेऊयात.

आयपीएलचं मिनी ऑक्शन असो मेगा ऑक्शन, कायमच चाहत्यांना आणि क्रिकेट विश्वाला आधीचे रेकॉर्ड ब्रेक होणार, अशी आशा असते. यंदाही तसंच झालं. पंतसाठी 27 आणि श्रेयससाठी 26 कोटींपेक्षा मोठ्या रक्कमेची बोली लावण्यात आली. याबाबतच प्रिती झिंटा हीला प्रश्न करण्यात आला. यावर प्रिती झिंटा म्हणाली की, आयपीएलमध्ये होणारी प्रत्येक गोष्ट ही रेकॉर्ड ब्रेक होण्याचीच नेहमीपासून आशा आहे. इथेच प्रिती झिंटा म्हणाली की श्रेयसला संपूर्ण रक्कम मिळणार नाही.

प्रिती झिंटा काय म्हणाली?

प्रितीने श्रेयसला 26 कोटी रक्कम मिळण्याबाबतचा उच्चार करताच ब्रॉडकॉस्टर्सने तिला 27 कोटी (26.75 कोटी) किंमत असल्याचं दुरुस्त केलं. इथेच प्रिती झिंटाने डाव साधला आणि फिरकी घेण्याचा प्रयत्न केला. प्रितीने मस्करीत श्रेयसला सॉरी म्हणत त्याच्यावर ऑक्शनमध्ये लावण्यात आलेल्या बोलीच्या रक्कमेतून कर कापण्यात येईल, याचीही आठवण करुन दिली. प्रिती यानंतर हसू लागली. या सर्व प्रकाराचा व्हीडिओ सोशल मीडियावर व्हायरल झाला आहे.

“सॉरी श्रेयस..”, प्रिती झिंटाचा व्हीडिओ

मेगा ऑक्शननंतर पंजाब टीम : शशांक सिंह आणि प्रभसिमरन सिंह, अर्शदीप सिंह, श्रेयस अय्यर, युजवेंद्र चहल, मार्कस स्टोयनिस, ग्लेन मॅक्सवेल, नेहाल वढेरा, विष्णु विनोद, विजयकुमार वैशाक, यश ठाकुर, हरप्रीत ब्रार, प्रवीण दुबे, पायला अविनाश, जेवियर बार्टलेट, सूर्यांश शेडगे, मुशीर खान, एरॉन हार्डी, प्रियांश आर्य, कुलदीप सेन, हरनूर पन्नू, अझमतुल्लाह ओमरझई, लॉकी फर्ग्युसन, जॉश इंग्लिस आणि मार्को यानसन.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article