Mahesh Babu : డై హార్డ్ ఫ్యాన్.. పెళ్ళికార్డు పై మహేష్ బాబు ఫోటో.. ఎక్కడంటే

సూపర్ స్టార్ మహేష్ బాబు ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. దేశవ్యాప్తంగా మహేష్ కు అభిమానులు ఉన్నారు. అంబేద్కర్ కోనసీమ జిల్లా అయినవిల్లి మండలం వెలవెలపల్లిలో పెళ్ళి శుభలేఖ పై హీరో మహేష్ బాబు ఫోటో ప్రింట్ చేశారు.. తన పెళ్ళి శుభలేకపై అభిమాన నటుడు మహేష్ బాబు ఫోటో వేయించుకున్నాడు పెళ్ళికొడుకు. పెళ్ళి కొడుకు యిళ్ళ సత్య మహేశ్ బాబుకు వీర అభిమాని.. దాంతో అతని పెళ్ళి శుభలేఖ పై మహేష్ బాబు ఫోటో వేసి శుభలేఖలు స్నేహితులకు, బంధువులకు పంచాడు. ఈనెల 8వ తేదీన జరగబోయే తన పెళ్లికి రావాలంటూ స్నేహితులు బంధువులు అందరికీ శుభలేఖలు పంచాడు. తనకు ముగ్గురు దేవుళ్ళని మొదటి దేవుడు యేసు క్రీస్తు, రెండో దేవుళ్ళు తల్లిదండ్రులు, మూడో దేవుడు మహేష్ బాబు అంటున్నడు పెళ్లి కొడుకు సత్య.

ఎంతోమంది చిన్న పిల్లలకు గుండె ఆపరేషన్లు చేయించి ప్రాణం పోసిన మహేష్ బాబుకు ఎంతోమంది అభిమానులు ఉన్నారు. ఎంతోమంది చిన్నారులకు ప్రాణం పోస్తున్న మహేష్ బాబు తనకు దేవుడితో సమానమని అందుకే తన పెళ్లి శుభలేఖ మహేష్ బాబు ఫోటో వేసాను అంటున్నడు పెళ్లి కొడుకు.

సాధారణంగా పెళ్లి శుభలేఖల పై దేవుళ్ళ ఫోటో వేస్తారు అయితే ఇతను తన అభిమానం చాటుకునేందుకు శుభలేఖపై  హీరో మహేష్ బాబు ఫోటో వేసి శుభలేఖలు పంచడం అందరిని ఆశ్చర్యం కలిగించింది. మనుషుల్లో ఉన్న దేవుడు మహేష్ బాబు అని ఆయన ఆశీస్సులు ఒక్కటవ్వబోతున్న తమను మహేష్ బాబు దీవించాలని కోరుతున్నాడు పెళ్ళికొడుకు.

మరిన్ని సినిమా వార్తల కోసం ఇక్కడ క్లిక్ చేయండి