Nashik YCMOU | ‘मुक्त’चा 'जेएनपीए', वाढवण पोर्टसोबत करार

2 hours ago 2

नाशिक : त्रिपक्षीय शैक्षणिक सामंजस्य कराराप्रसंगी शंतनू ठाकूर, उन्मेष वाघ, दिलीप भरड, डॉ. जयदीप निकम.Pudhari News Network

Published on

02 Feb 2025, 4:24 am

Updated on

02 Feb 2025, 4:24 am

नाशिक : यशवंतराव चव्हाण महाराष्ट्र मुक्त विद्यापीठाने जवाहरलाल नेहरू पोर्ट अथॉरिटी (जेएनपीए) व वाढवण पोर्ट प्रोजेक्ट लि., मुंबई (व्हीपीपीएल) यांच्यासोबत महत्त्वाकांक्षी त्रिपक्षीय शैक्षणिक सामंजस्य करार केला आहे.

केंद्रीय बंदरे, जहाजबांधणी व जलमार्ग राज्यमंत्री शंतनू ठाकूर यांच्या प्रमुख उपस्थितीत नुकतेच मुंबई येथे या करारावर तिन्ही पक्षांच्या वतीने स्वाक्षरी करण्यात आली. विद्यापीठाचे कुलसचिव दिलीप भरड, निरंतर शिक्षण विद्याशाखेचे संचालक डॉ. जयदीप निकम, जेएनपीए व वाढवन पोर्ट व्हीपीपीएलचे मुख्य व्यवस्थापकीय संचालक उन्मेष वाघ यांनी करारावर स्वाक्षरी केली. यावेळी पालघरचे जिल्हाधिकारी गोविंद बोडके, पोलिस अधीक्षक बाळासाहेब पाटील आदी उपस्थित होते.

करारानुसार वाढवण बंदरनिर्मितीच्या पार्श्वभूमीवर व तेथील गरज आणि मागणीनुसार संपूर्ण महाराष्ट्रातील जवळपास एक लाख युवक-युवतींना मुक्त विद्यापीठातर्फे व्यवसाय व रोजगाराभिमुख कौशल्य आधारित शिक्षण प्रशिक्षण देण्यात येणार आहे.

'जेएनपीए'व 'व्हीपीपीएल'ने कराराच्या अनुषंगाने १९ विविध कौशल्य आधारित शिक्षणक्रमांची यादी मुक्त विद्यापीठाकडे सादर केली. त्यानुसार विद्यापीठाकडून त्या त्या क्षेत्रातील व विषयातील तज्ज्ञ व्यक्तींकडून प्रमाणपत्र, पदविका व पदवी स्तरावरील संबंधित शिक्षणक्रम तयार केले जाणार आहेत. संबंधित इच्छुक विद्यार्थ्यांना त्या त्या विषयाचे शिक्षण-प्रशिक्षण दिले जाणार आहे. त्यासाठी तशा प्रकारची विविध अभ्यासकेंद्रे सुरू करण्यात येणार आहेत.

वाढवण बंदरनिर्मितीत मोठ्या प्रमाणात रोजगार व व्यवसायाच्या संधी निर्माण झाल्या आहेत. ऑटोमोबाइल, पॅकेजिंग, लॉजिस्टिक सपोर्ट, मालवाहतूक व इतर उद्योग आदी विविध प्रकारचे कौशल्य आधारित शिक्षणक्रम विद्यापीठातर्फे सुरू करण्यात येत आहेत. त्यामुळे वाढवण बंदरनिर्मितीसाठी व तद्नंतर परिचलनासाठी मनुष्यबळ निर्मितीसाठी करार महत्त्वपूर्ण ठरणार आहे.

प्रा. संजीव सोनवणे, कुलगुरू, मुक्त विद्यापीठ, नाशिक.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article