स्वतःची चूक झाकण्यासाठी डीवचू नका:राज्याला जातीवादाचा नवीन अंक पाहायला मिळाला, मनोज जरांगेंचा शास्त्रींवर हल्लाबोल

ज्यांच्याकडे मानाचा तूरा आहे, तिथेही जातीवाद होऊ शकतो हा नवीन अंक राज्याला पाहायला मिळत आहे, एका समाजाला एका बाजूला नेण्याचे काम झाले आहे,असे म्हणत मराठा आंदोलनकर्ते मनोज जरांगे पाटील यांनी नामदेव शास्त्री यांच्यावर टीकास्त्र डागले आहे. दरम्यान मनोज जरांगे पाटील पुढे बोलताना म्हणाले की, तुम्हाला आरोपींना मारलेली चापट दिसली. पण संतोष देशमुख यांचे रक्त दोन अडीच महिने कोणाला दिसले नाही आम्ही तुमचा सन्मान करतो, पण आपण आपले बघावे. दुसर्‍याकडे डोकवून पाहू नका, स्वत:ची चूक झाकण्यासाठी डिवचू नका, तुमच्याकडून चूक झाली आहे. महंत आरोपींचे समर्थन केले मनोज जरांगे पाटील म्हणाले की, जातिवादाचा चौथा नवीन अंक राज्याला पाहायला मिळाला, आरोपींच्या बाजूने मोर्चे निघाले, जातिवादाचा अंक भयंकर आहे. जातीय सलोखा बिघडला, पण धनंजय मुंडेच्या टोळीमुळे चौथा अंक पाहायला मिळाला. नामदेव शास्त्री आरोपींचा समर्थन करत आहे .संतोष देशमुख यांची हत्या केली म्हणून आरोपींना आनंद वाटला असेल . देशमुख कुटुंबीयांनी कुणाला भेटावे हा त्यांचा विषय आहे. महाराजांना जे बोलायचे ते बोलून जातीयवादाचा नवीन अंक देऊन गेले. तसे बोलणे म्हणजे गुंडगिरीला प्रोत्साहन मनोज जरांगे पाटील म्हणाले की, आरोपींचे जर महंत समर्थन करत असतील तर हे राज्याचे फार मोठे दुर्दैव आहे. मी त्यांच्यावर बोलू शकत नाही. तसे बोलणे म्हणजे गुंडगिरीला प्रोत्साहन होत आहे. देशमुख कुटुंबीयांवर जो अन्याय झाला आहे, यावेळी संप्रदाय त्यांना मदत करत असतो. महंत शास्त्री कोणत्याच गुन्हेगारांची पाठराखण करणार नाही. पण जर असे असेल तर भयंकर मोठा विषय आहे. ही राज्याची खूप मोठी हानी आहे. खून केला त्यांचा आनंद आहे की काय, किंवा गुन्हेगारांना सोडून द्या असा त्यांचा अर्थ होतो. नामदेव शास्त्रीचे वक्तव्य काय? नामदेव शास्त्री म्हणाले की, संतोष देशमुख यांची ज्यांनी हत्या केली त्या आरोपींची मानसिकता देखील पाहायला पाहिजे होती. त्या आरोपींना देखील पूर्वी मारहाण झाली होती. हा त्यांच्या गावातील अंतर्गत विषय होता. त्याला मीडियाने मोठे केले असल्याचेही शास्त्री यांनी म्हटले आहे. तर भगवान गड धनंजय मुंडेंच्या पाठीशी आहे, अशी भूमिका त्यांनी स्पष्ट केली. तसेच धनंजय मुंडे हे खंडणीवर जगणारे नेते नसून राजकीय सुडापोटी त्यांच्यावर आरोप केले जात आहेत, असेही त्यांनी यावेळी म्हटले आहे.