NZ vs ENG : न्यूझीलंड इंग्लंड यांच्यात कसोटी सामना, पण धाकधूक वाढली भारतीय क्रीडाप्रेमींची; कारण की…

2 hours ago 2

भारत आणि ऑस्ट्रेलिया कसोटी सामना वर्ल्ड टेस्ट चॅम्पियनशिपच्या दृष्टीने खूपच महत्त्वाची आहे. भारताने न्यूझीलंडविरुद्धची कसोटी मालिका 3-0 ने गमावल्याने सर्वच चित्र बिघडलं आहे. त्यामुळे भारताला काहीही करून ऑस्ट्रेलियाविरुद्ध 4-0 ने मालिका जिंकावी लागणार आहे. पण हे काय शक्य होईल असं वाटत नाही. भारताने पहिला कसोटी सामना जिंकून त्या दृष्टीने प्रयत्न केले आहेत. पण विजयाची गाडी रुळावर कायम ठेवणं खूपच महत्त्वाचं आहे. दुसरीकडे, भारताचं मालिकेतील गणित चुकलं तर न्यूझीलंड, श्रीलंका आणि दक्षिण अफ्रिकेच्या कामगिरीवर लक्ष ठेवावं लागेल. यात न्यूझीलंडला सर्वाधिक संधी आहे. असं असताना इंग्लंडने न्यूझीलंडला धोबीपछाड देणं भारताच्या दृष्टीने आवश्यक आहे. कारण न्यूझीलंडने ही मालिका गमावली तर भारताची वर्ल्ड टेस्ट चॅम्पियनशिप अंतिम फेरीचं गणित आणखी सोपं होईल. न्यूझीलंड आणि इंग्लंड यांच्यात पहिला कसोटी सामना सुरु आहे. या मालिकेत इंग्लंडने नाणेफेकीचा कौल जिंकला आणि प्रथम गोलंदाजी स्वीकारली. न्यूझीलंडने पहिल्या दिवशी 8 गडी गमवून 319 धावा केल्या आहेत.

न्यूझीलंड सध्या गुणतालिकेत चौथ्या स्थानावर आहे. न्यूझीलंडची वर्ल्ड टेस्ट चॅम्पियनशिप 2025 साखळीतील शेवटची मालिका आहे. या मालिकेत इंग्लंडने बाजी मारली तर ते भारताच्या पथ्यावर पडणार आहे. कारण टॉप दोनमध्ये स्थान मिळवण्यासाठी न्यूझीलंडला ही मालिका काहीही करून 2-0 ने जिंकणं आवश्यक आहे. दुसरीकडे, इंग्लंड या स्पर्धेतून आधीच आऊट झाली आहे. जर मालिका न्यूझीलंडने गमावली तर भारत, श्रीलंका, ऑस्ट्रेलिया आणि दक्षिण अफ्रिका रेसमध्ये असतील. दरम्यान, दक्षिण अफ्रिका आणि श्रीलंका यांच्यातही दोन सामन्यांची कसोटी मालिका सुरु आहे.

भारताने 15 पैकी 9 सामन्यात विजय मिळवला असून पहिल्या स्थानावर आहे. ऑस्ट्रेलियाने 13 पैकी 8 सामन्यात विजय मिळवून दुसऱ्या, श्रीलंका 9 पैकी 5 सामन्यात विजय मिळून तिसऱ्या, न्यूझीलंड 11 पैकी 6 सामन्यात विजय मिळवून चौथ्या, तर दक्षिण अफ्रिका 8 पैकी 4 सामन्यात विजय मिळवून पाचव्या स्थानावर आहे. दुसरीकडे, इंग्लंड, पाकिस्तान, वेस्ट इंडिज आणि बांगलादेशचं स्पर्धेतील आव्हान संपुष्टात आलं आहे. भारताने दोनदा वर्ल्ड टेस्ट चॅम्पियनशिपची अंतिम फेरी गाठली आहे. पहिल्या न्यूझीलंडने आणि दुसऱ्यांदा ऑस्ट्रेलियाने पराभवाची धूळ चारली आहे. आता भारतीय संघ तिसऱ्यांदा अंतिम फेरी गाठून जेतेपद मिळवेल का याकडे लक्ष लागून आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article