Selu Accident: वालुर- चारठाणा रस्त्यावर अज्ञात वाहनाची दुचाकीला धडक; गंभीर जखमी

2 hours ago 1

सेलू पोलीस ठाण्यात गुन्हा दाखल

परभणी/सेलू (Selu Accident) : तालुक्यातील वालूर चारठाणा रस्त्यावर असलेल्या खंडोबा मंदिराजवळ एका अज्ञात वाहनाने दुचाकीस धडक दिल्यामुळे दुचाकी चालक गंभीर जखमी झाला असून जखमीवर परभणी येथील शासकीय रुग्णालयात उपचार चालू आहेत. ही घटना १२ नोव्हेंबर रोजी सायंकाळी सात वाजता घडली असून गुन्हा बुधवार २७ नोव्हेंबर रोजी दुपारी एक वाजता दाखल करण्यात आला आहे.

याबाबत पोलीसांनी दिलेली माहिती याप्रमाणे तालुक्यातील बोथ येथे संतोष रामभाऊ खरपडे वय 30 वर्षे हे आपल्या दुचाकी क्रमांक एम.एच.२२ए.के.२७६९ वरुन वालुर -चारठाणा रस्त्यावर असलेल्या आपल्या बोथ या गावाकडे जात असताना १२ नोव्हेंबर रोजी सायंकाळी सात वाजता या (Selu Accident) रस्त्यावर असलेल्या खंडोबा मंदिर परिसरात समोरून आलेल्या अज्ञात वाहनाने धडक दिली. यामध्ये तोंड, छाती आणि डोक्याला जबर मार लागल्यामुळे परभणी येथील शासकीय रुग्णालयात उपचारार्थ दाखल करण्यात आली आहे.

रामभाऊ सखाराम खरपडे राहणार बोध तालुका सेलू यांनी दिलेल्या फिर्यादीवरून अज्ञात वाहनचालकाच्या विरुद्ध कलमा, भारतीय न्याय संहिते अन्वये गुन्हा दाखल करण्यात आला आहे. पोलीस निरीक्षक दीपक बोरसे यांच्या मार्गदर्शनाखाली वालूर दूरक्षेत्र पोलीस चौकीचे पोलीस हवालदार मुकेश बुधवंत पुढील तपास करत आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article