1 hour ago
1
Crime Pudhari News network
Published on
:
25 Nov 2024, 6:28 am
Updated on
:
25 Nov 2024, 6:28 am
मीरा रोड : भाईंदर येथे राहणार्‍या 17 वर्षाच्या अल्पवयीन मुलीची दादर येथे राहणार्‍या ऋतिक वास्कर (22) याच्याशी ओळख झाली. त्या ओळखीतून दोघांची मैत्री झाली. त्या मित्राने तिला 22 नोव्हेंबर रोजी सकाळी त्याच्या घरी बोलावले व त्यानंतर तिच्यावर बलात्कार केल्याची घटना घडली आहे. याप्रकरणी भाईंदर पोलिस ठाण्यात बलात्कार व पोक्सो अंतर्गत गुन्हा दाखल करण्यात आला आहे.
भाईंदर येथे राहणार्‍या अल्पवयीन मुलीची ऋतिक वास्कर (22) वर्ष, रा. दादर, मुंबई यांच्याशी 10 ते 15 दिवसापासुन सोशल मीडियाच्या स्नॅपचॅट व्दारे ओळख झाली होती. त्यानंतर त्या पीडिता व आरोपींचे अधुन मधुन फोनवर बोलणे होत होते. 22 नोव्हेंबर रोजी सकाळी साडे सहाच्या सुमारास आरोपी ऋतिक याने त्या मुलीला फोन करुन त्याच्या दादर येथील घरी येण्यास सांगितले. ती मुलगी त्यानंतर त्याच्या दादर येथील घरी गेली असता साडेनऊ वाजता ऋतिक याचा भाऊ हा घराबाहेर निघुन गेला. त्यानंतर ते दोघे बोलत असताना ऋतिकने दरवाजा बंद करुन घेतला व अल्पवयीन मुलीवर अत्याचार केला त्यानंतर पीडितेला दादर स्टेशन येथे आणून सोडून दिले.
पिडिता हि घाबरून गेल्याने घरी आली त्यानंतर तीची तब्येत खराब झाली, तिच्या आईवडिलांनी डॉक्टरांला दाखवून वैद्यकिय उपचार केल्यानंतर आरोपी ऋतिक वास्कर याच्या विरोधात भाईंदर पोलिस ठाण्यात बलात्कार व पोक्सो अंतर्गत गुन्हा दाखल केला आहे. हि घटना दादर येथे घडल्यामुळे हा गुन्हा दादर, मुंबई येथे वर्ग करण्यात आला असून पुढील तपास दादर पोलीस करत आहेत.
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·