Thane | देशाचे संरक्षण मंत्री आज वसईमध्ये

खानिवडे : देशाचे संरक्षण मंत्री राजनाथसिंह हे आज वसईमध्ये येणार असून ते महायुतीच्या उमेदवारांसाठी शनिवार (दि.16) रोजी प्रचार सभा घेणार आहेत. त्यांच्या समवेत गुजरात राज्याचे गृह राज्यमंत्री हर्षभाई सिंघवी हे सुद्धा प्रचारासाठी वसईत येणार आहेत.

भाजपा महायुतीच्या 133 वसई विधानसभा उमेदवार अ‍ॅड. स्नेहा दुबे-पंडित यांच्या प्रचार सभेत राजनाथ सिंह आणि हर्षभाई सिंघवी हे आज दुपारी अडीचच्या सुमारास सहभागी होणार आहेत. कल्पतरू मैदान कालिमाता मंदिरासमोर 60 फूट रोड दिवाणमान वसई (पश्चिम) येथे ही प्रचार सभा आयोजित करण्यात आली आहे. या सभेला नागरिकांनी जास्तीत जास्त संख्येने उपस्थित राहावे, असे आवाहन महायुतीच्या वतीने करण्यात आले आहे. तर या सभेला महायुतीचे सर्व मान्यवर नेते उपस्थित राहणार आहेत, असे महायुतीच्या सर्व घटक पक्षाचे प्रमुख महिंद्रा पाटील यांनी सांगितले आहे.