Video : हार्षित राणा आणि यशस्वी जयस्वालच्या खेळीने बेन डकेटचा खेळ खल्लास! 6 चौकार मारल्यानंतर असा गुंडाळला

2 hours ago 1

इंग्लंडविरुद्धच्या मालिकेतील पहिल्या सामन्यात डावखुऱा फलंदाज यशस्वी जयस्वाल आणि वेगवान गोलंदाज हार्षित राणा यांना पदार्पणाची संधी मिळाली. पण हार्षित राणाला सुरुवातीच्या सामन्यात काही सूर गवसला नाही. हार्षित राणाने पहिल्या षटकात 11 धावा दिल्या. त्यानंतर दुसरं षटक निर्धाव टाकलं आणि इंग्लंडवर आपलं वजन टाकलं. पण फिलिप सॉल्टने तिसऱ्या षटकात हार्षित राणाला झोडला. एका षटकात 26 धावा ठोकल्या. तीन षटकार आणि दोन चौकार मारले. त्यामुळे कर्णधार रोहित शर्माने स्पेल बदलला. त्यामुळे वनडेमधील पदार्पण हार्षित राणासाठी तसं काही चांगलं गेलं नव्हतं. पण संघाचं दहावं षटक टाकण्यासाठी पुन्हा एकदा रोहित शर्माने हार्षित राणावर विश्वास टाकला. हार्षित राणाने या षटकात कमाल केली. पहिल्या दोन चेंडूवर प्रत्येक एक धाव दिली. त्यानंतर तिसऱ्या चेंडूवर हार्षित राणाने डकेटची विकेट काढली. डकेटने जोरदार प्रहार केला. मिड विकेटच्या दिशेने चेंडू खूप वर चढला. तिथपर्यंत यशस्वी जयस्वाल उलटा धावत त्या चेंडूखाली आला आणि झेल पकडला. उडी मारत अप्रतिम झेल घेतला. या झेलचं कौतुक होत आहे.

विशेष म्हणजे हार्षित राणा आणि यशस्वी जयस्वाल यांचा पहिला वनडे सामना आहे. या वनडे सामन्यात डकेटची विकेट दोघांसाठी खास राहिली. हार्षित राणाची वनडेतील ही पहिली विकेट होती. तर यशस्वी जयस्वालचा वनडे क्रिकेटमधील हा पहिला झेल होता. त्यामुळे दोघांसाठी ही विकेट खास राहिली. हार्षित राणाला विकेट मिळाल्यानंतर उत्साह आणखी वाढला. पुढच्या दोन चेंडूवर त्याचा प्रभाव दिसून आला. या षटकात जबरदस्त फिल्डिंग करत श्रेयस अय्यरने हॅरी ब्रूकची विकेट काढली. हॅरी ब्रूक रनआऊट झाल्याने एकाच षटकात दोन विकेट मिळाल्या. पण त्याच्या खात्यात फक्त एक विकेट जाणार आहे. रनआऊटची विकेट गोलंदालाला मिळत नाही.

REMARKABLE FROM THE DEBUTANT YASHASVI JAISWAL 🥶 pic.twitter.com/yHTPIBmAXV

— Johns. (@CricCrazyJohns) February 6, 2025

INDIAN FIELDING IN NAGPUR 💪

– Shreyas 🤝 Jaiswal…!!!! pic.twitter.com/91XYRBTj63

— Johns. (@CricCrazyJohns) February 6, 2025

दोन्ही संघांची प्लेइंग 11

भारत (प्लेइंग इलेव्हन): रोहित शर्मा (कर्णधार), यशस्वी जयस्वाल, श्रेयस अय्यर, शुबमन गिल, केएल राहुल (डब्ल्यू), हार्दिक पांड्या, अक्षर पटेल, रवींद्र जडेजा, हर्षित राणा, कुलदीप यादव, मोहम्मद शमी.

इंग्लंड (प्लेइंग इलेव्हन): बेन डकेट, फिलिप साल्ट (विकेटकीपर), जो रूट, हॅरी ब्रूक, जोस बटलर (कर्णधार), लियाम लिव्हिंगस्टोन, जेकब बेथेल, ब्रायडन कार्स, जोफ्रा आर्चर, आदिल रशीद, साकिब महमूद.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article