Vidhansabha Election 2024 | मालेगाव ‘बाह्य’मध्ये हिरेंसह 15 उमेदवारांची अनामत जप्त

3 hours ago 1

मालेगाव : बाह्य विधानसभा मतदारसंघात अत्यंत चुरशीने झालेल्या निवडणुकीत शिवसेना महायुतीचे उमेदवार दादा भुसे 1 लाख 4 हजार 200 मतांचे मताधिक्य घेत विजयी झाले. दुसर्‍या क्रमांकाची मते संपादन करणारे अपक्ष उमेदवार बंडूकाका बच्छाव यांना अनामत वाचवण्यात यश आले असून, त्यांनी तालुक्यातील आपले राजकीय वर्चस्व दाखवून दिले आहे, तर उद्धव ठाकरे शिवसेनेचे उमेदवार अद्वय हिरे यांना तिसर्‍या क्रमांकाची मते मिळून त्यांना पराभव पत्करावा लागला. त्यांच्यासह 15 उमेदवारांची अनामत रक्कम जप्त झाली

बाह्य विधानसभा निवडणुकीत 17 उमेदवार निवडणूक रिंगणात उतरले होते, तरी भुसे, हिरे व बच्छाव यांच्यातच तिरंगी लढत रंगली होती. या निवडणुकीत पालकमंत्री भुसे यांनी 1 लाख 4 हजार 200 मतांचे मताधिक्य घेत विजय संपादन केला. बच्छाव यांना 51,678 मते मिळून ते दुसर्‍या क्रमांकावर, तर 39,843 मते मिळून हिरे तिसर्‍या क्रमांकावर फेकले गेले.

वैध मतांच्या एक षष्टमांश मतांपेक्षा अधिक मते मिळू न शकल्याने हिरे यांच्यासह राजेश मोरे, किरण मगरे, चंद्रकांत ठाकूर, प्रवीण ठोके, अबू गफार म. इस्माईल, उमर नूर मो., अंकुश भुसारे, कुणाल सूर्यवंशी, मोहंमद इस्माईल जुम्मन, मो. सऊद सुलतान अ., यशवंत खैरनार, रऊफ खान कदीर खान, राजाराम देशमुख, हर्षल भुसारे या उमेदवारांची अनामत रक्कम जप्त झाली आहे.

तीन आकडी संख्या गाठण्यात अपयश

विधानसभा निवडणुकीसाठी झालेल्या मतदानात विजयी झालेले शिवसेनेचे दादा भुसे यांना रमजानपुरा व म्हाळदे येथील 18 मतदान केंद्रांवर तीन आकडी मतसंख्या गाठता आली नाही. त्याचप्रमाणे अद्वय हिरे यांना तब्बल 198 मतदान केंद्रांवर, तर बंडूकाका बच्छाव यांनादेखील 124 मतदान केंद्रांवर तीन आकडी मतसंख्या गाठण्यासही यश आले नसल्याचे मतमोजणीनंतर स्पष्ट झाले. रमजानपुरा, म्हाळदे वगळता संपूर्ण मतदारसंघात वर्चस्व असल्याचे भुसे यांनी सिद्ध केले आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article