منڈی ٹریکٹر حادثے میں نوجوان کی موت

عشرت حسین بٹ

پونچھ// ضلع پونچھ کی تحصیل منڈی کے علاقہ بیدار میں پیش آئے ایک ٹریکٹر حادثے میں تین افراد شدید زخمی ہو گئے ہیں جن میں سے ایک نوجوان زخموں کی تاب نہ لاکر لقمہ اجل بن گیا ہے۔
جاں بحق نوجوان کی شناخت وسیم احمد ولد سرفراز احمد ساکنہ اتولی منڈی کے طور پر ہوئی ہے۔
ذرائع نے بتایا کہ آج صبح یہ سڑک حادثہ منڈی کے علاقہ بیدار میں اس وقت پیش آیا جب ایک ٹریکٹر ٹرالی منڈی سے کھیت کی طرف روانہ تھی، جس دوران اچانک ڈرائیور کے قابو سے باہر ہو کر ایک گہری کھائی میں جا گری۔
ادھر، پولیس نے واقعہ کا نوٹس لیتے ہوئے مقدمہ درج کر لیا ہے۔