حیدرآباد میں گرج و چمک کے ساتھ دھواں دھار بارش

حیدرآباد: حیدرآباد میں ہفتہ کی شام کئی علاقوں میں گرج چمک کے ساتھ طوفانی بارش ہوئی۔ اس دھواں دھار بارش کے باعث سڑکوں پر پانی جمع ہوگیا، جس سے گاڑی چلانے والوں کو شدید مشکلات کا سامنا کرنا پڑا۔ کئی مقامات پر بجلی کی فراہمی میں بھی خلل آیا۔

دھواں دھار بارش کے پیش نظر موٹرسائیکل راں اور دیگر افراد بارش سے بچنے کے لیے میٹرو فلائی اوور اور دیگر فلائی اوورز کے نیچے ٹھہرے رہے، جس کی وجہ سے یہاں ٹریفک جام ہوگیا۔

بارش کے باعث خیریت آباد، کوٹھی، سلطان بازار، بیگم بازار، عابڈس، نامپلی، بشیر باغ، لکڑی کاپل، سیف آباد، لبرٹی، حمایت نگر، نارائن گڑہ، ٹینک بند، مہدی پٹنم، ملک پیٹ، دلسکھ نگر، ایل بی نگر، ونستھلی پورم، حیات نگر، بنجارہ ہلز، پنجہ گٹہ، جوبلی اور پرانے شہر کے مختلف علاقوں میں شدید بارش ہوئی۔

حیدرآباد کے محکمہ موسمیات کے عہدیداروں نے پیشن گوئی کی ہے کہ آئندہ دو دن تک ریاست کے مختلف مقامات پر شدید بارش ہوسکتی ہے اور یہ بارش کا سلسلہ 23 ستمبر تک جاری رہنے کا امکان ہے۔

ہمیں فالو کریں