پرکاش امبیڈکر کی پارٹی نے ایک خواجہ سرا کو اسمبلی ٹکٹ دیا

ممبئی: ونچت بہوجن اگھاڑی(وی بی اے) نے مہاراشٹرا اسمبلی الیکشن کے لئے جو 11 امیدوار میدان میں اتارے ہیں ان میں حلقہ راویر سے ایک خواجہ سرا شامل ہے۔

پارٹی صدر پرکاش امبیڈکر نے کہا کہ شمیبھا بھانوداس پاٹل نامی یہ خواجہ سرا سماجی کارکن ہے۔ وہ ترتیہ پنتھی ہکا ادھیکار سمیتی کا بانی اور ریاستی کوآرڈینیٹر ہے۔ وہ جلگاؤں کے حلقہ راویر سے الیکشن لڑے گا۔

2 عورتوں کو بھی ٹکٹ دیا گیا جن میں ونجاری برادری کی سویتا منڈھے اور میگھا کرن ڈونگرے (بدھسٹ) شامل ہیں۔ ونچت بہوجن اگھاڑی نے ناندیڑ سے ایک مسلم امیدوار فاروق احمد کو ٹکٹ دیا ہے۔

یہ پارٹی کی پہلی فہرست ہے۔ پرکاش امبیڈکر نے کہا کہ وہ روایت توڑیں گے اور قبائلیوں کو غیرقبائلی حلقوں سے میدان میں اتاریں گے تاکہ قبائلیوں کو سیاسی اور قومی دھارا میں لایا جائے۔ انہوں نے اشارہ دیا کہ تیسرا فرنٹ قائم کرنے کی بات چیت جاری ہے۔

ہمیں فالو کریں