September 21, 2024
ڈاکٹر فیض قاضی آبادی
جمشید گاؤں کا اکیلا پوسٹ گریجویٹ تھا۔ اس گاؤں کے لوگوں کے پاس باغات اور کھیت تھے اس لئے انہوں نے اپنے بچوں کو اعلیٰ تعلیم دلانے کے بجائے کھیتوں میں کام کرنے پر لگا دیا ۔ جمشید کے والد پسماندہ طبقے سے تعلق رکھتے تھے۔ گاؤں میں یہی ایک گھر تھا ۔ ان کے پاس باغات اور کھیت نہیں تھے ۔ گاؤں کے لوگ انہیں نیچ سمجھتے تھے ۔ جمشید کو اس بات کا احساس تھا کہ انہیں کن کن مشکلات کا سامنا کرنا پڑتا ہے۔ بہت ذہین اور ہارڈ ورکر تھے اس لئے یونیورسٹی سے نکلتے ہی ان کو اچھی گورنمنٹ جاب مل گئی ۔ سب افراد خانہ خوش ہوگئے، البتہ گاؤں کے لوگوں پر جیسے پہاڑ ٹوٹ پڑا۔ کوئی بھی شخص ان کے گھر ان کو مبارک باد دینے کے لئے نہیں گیا ۔ کچھ دن بعد اسی گاؤں کے سرپنچ چودھری امجد نے نئے مکان کی بنیاد ڈالی تو دوسرے دن صبح سویرے ان کے گھر جمشید مبارک باد دینے کے لئے پہنچ گئے۔ ان کے والد کو پتہ چلا تو جمشید پر برس پڑے۔ کرخت لہجے میں کہا
” جب آپ کو جاب مل گئی تو چودھری امجد آپ کو مبارک باد دینے کے لئے نہیں آئے ۔ پھر آپ ان کو مبارک باد دینے کے لئے ان کے گھر کیوں گئے”۔
” کیوں کہ اباجان میں تعلیم یافتہ ہوں ”
جمشید نے نہائت ہی ادب کے ساتھ جواب دیا۔
سوپور ناگہامہ، ہندوارہ کشمیر، موبائل نمبر؛7006303605
Read Next
بوجھ
September 15, 2024
خوشنویس میر مشتاق تعلیم سے فارغ ہوتے ہی شازیب منہ لٹکائے اپنا بوریا بسترا گول…
روشنی کا سفر
September 15, 2024
الف عاجز اعجاز عادل ایک چھوٹے سے گاؤں کا رہائشی تھا۔ زندگی کی مشقتیں اور…