ڈل جھیل کے کنارے کھڑی، تھار جیپ پانی میں جا گری

عظمیٰ نیوز سروس

سرینگر// سرینگر میں پیر کو ایک تھارجیپ غلطی سے سڑک کنارے کے ساتھ ڈل جھیل میں گر گئی۔خوش قسمتی سے حادثے کے وقت گاڑی میں کوئی مسافر سوار نہیں تھا۔ عینی شاہدین کے حوالے سے بتایا کہ ڈرائیور نے تھار جیپ کو سڑک کے کنارے کھڑا کیا تھا ، لیکن جیپ پیچھے کی طرف چلنے لگی اورپلٹنے سے پہلے جھیل میں جا گری۔عینی شاہد نے کہا کہ ایسا لگتا ہے کہ گاڑی محفوظ طریقے سے بند نہیں تھی ، جس کی وجہ سے حادثہ پیش آیا۔