अहिल्यानगर फुटबॉल सुपर स्पर्धेत एक्सलन्स अचिव्हर्सला अजिंक्यपद:मुलींसाठी अहिल्या चषक व मुलांसाठी नमोह युथ चॅम्पियनशिपची घोषणा

शहरातील नगर क्लबच्या मैदानावर रंगलेल्या अहिल्यानगर फुटबॉल सुपर लीग स्पर्धेचे अजिंक्यपद एक्सलन्स अचिव्हर्स संघाने पटकावले. खेळाडूंना प्रोत्साहन देण्यासाठी नमोह फुटबॉल क्लबच्या वतीने या फुटबॉल स्पर्धेचे आयोजन करण्यात आले होते. या स्पर्धेचे हे तिसरे पर्व होते. स्पर्धेत एक्सलन्स अचिव्हर्स विरुध्द आरडीएक्स ज्युनियर या संघामध्ये अंतिम सामना रंगला. पहिल्या हाफमध्ये एकही गोल झाला नाही. दुसऱ्या हाफमध्ये एक्सलन्स अचिव्हर्सकडून वंश फिरोदियाने केलेला १ गोल विजयासाठी निर्णायक ठरला. १-० गोलने एक्सलन्स अचिव्हर्सने विजेतेपद पटकाविले. कर्नल ओमपाल सिंग, खेलो इंडिया फुटबॉलचे संस्थापक सदस्य हितेश जोशी, क्रीडा प्रबोधिनी बालेवाडीचे फुटबॉल प्रशिक्षक धीरज मिश्रा, नमोह फुटबॉलच्या नमिता फिरोदिया, जिल्हा फुटबॉल असोसिएशनचे सहसचिव गोपीचंद परदेशी यांच्या हस्ते बक्षीस वितरण करण्यात आले. दोन दिवस-रात्र सलग फुटबॉल सुपर लीग स्पर्धेत फुटबॉलचे सामने रंगले होते. या स्पर्धेत उत्कृष्ट खेळाडू म्हणून वेदांत काळे, रणवीर म्हस्के, जैद शेख, सिध्दांत गांधी, साहिल कुसळकर, वीर छल्लाणी, आतीष उरमुडे, शुभंकर सावंत, तसेच बेस्ट गोलकिपर- वंश छल्लाणी, बेस्ट डिपेन्डर- जसवीर ग्रोवर व टॉप गोल स्कोरर- वंश फिरोदिया यांना सन्मानित करण्यात आले. यावेळी आदित्य जाधव याने सादर केलेल्या फुटबॉलच्या कवायतीने उपस्थितांची मने जिंकली. स्पर्धेसाठी फुटबॉल संघ मालक संघ मालक दर्शन भंडारी (जीसी फायटर्स), सागर कायगावकर (एसजीके गोल्ड स्टार), जोएब खान (गुलमोहर चॅलेंजर्स), अभिनंदन भन्साळी (अवित्री वेलोसिटी किंग्स), प्रणिल मुनोत (कॉन्प्लेक्स सुपर हीरो), चेतन गांधी (गांधी वॉरीअर्स), ऋतविक वाबळे (आरडीएक्स ज्युनियर), आशिष तोट्टू (एक्सलन्स अचिव्हर्स) यांनी योगदान दिले. पंच म्हणून जोनाथन जोसेफ, सोनिया दोसानी, सलमान शेख, सुयोग महागडे, अभय साळवे यांनी काम पाहिले. नमिता फिरोदिया यांनी नवीन वर्षात अजून नवीन स्पर्धा घेतली जाणार असल्याचे सांगून, त्यांनी मुलींसाठी नगर अहिल्या चषक व मुलांसाठी नमोह युथ चॅम्पियनशिप स्पर्धांची घोषणा केली. वेस्टर्न झोनल स्पर्धेसाठी निवडलेले खेळाडू नाशिक येथे होणाऱ्या वेस्टर्न झोनल फुटबॉल स्पर्धेसाठी निवड झालेले खेळाडू- १७ वर्षांखालील मुले- नील देढवाल, वंश फिरोदिया, वीर छल्लाणी, पुष्कर डेरे, आतिश उरमुडे, साहील कुसळकर. १५ वर्षांखालील मुले- नीरज धोका, नीरज जगताप, स्वजीत खरात, आरुष पोपळघट, शुभंकर सावंत, वेदांत बनसोडे, अवधूत गायकवाड, १३ वर्षांखालील मुले- देवांश झरेकर, कृष्णा खांदवे, वेदांत बांगर.