आग्रा-लखनऊ महामार्गावर स्कॉर्पिओ कारचा भीषण अपघात, पाच डॉक्टर्सचा जागीच मृत्यू

लग्नसमारंभाहून परतत असताना आग्रा-लखनऊ मार्गावर स्कॉर्पिओ कार डिवायडरला धडकल्याने भीषण अपघात झाला. यात सैफई मेडिकल युनिव्हर्सिटीतील पाच डॉक्टर्सचा जागीच मृत्यू झाला. बुधवारी पहाटे तीनच्या सुमारास ही घटना घडली. अपघातात एक जण गंभीर जखमी झाला असून त्याच्यावर सैफई मेडिकल युनिव्हर्सिटीमध्ये दाखल करण्यात आले आहे.

सर्व डॉक्टर्स लखनऊ येथे एका लग्नसमारंभासाठी गेले होते. तेथून परतत असताना पहाटे तीनच्या सुमारास त्यांची कार आग्रा-लखनऊ मार्गावर डिव्हायडरला धडकली. यानंतर कार दुसऱ्या लेनवर येऊन ट्रकला धडकली. याच कारचा चक्काचूर झाला असून पाच डॉक्टर्सचा जागीच मृत्यू झाला तर एक गंभीर जखमी झाला.

अनिरुद्ध वर्मा, संतोष कुमार मौर्य, अरुण कुमार, नरदेव अशी चौघा मृतांची नावे आहेत. तर जयवीर सिंह असे जखमीचे नाव आहे. एका मयताची अद्याप ओळख पटली नाही.