आजचे राशी भविष्य 7th October 2024 : ‘त्या’ व्यक्तीपासून दूर राहा नाही तर वैवाहिक जीवनात… कुणाच्या राशीत आज काय?

ज्योतिषशास्त्रात (Astrology) जन्मकुंडलींद्वारे वेगवेगळ्या कालखंडांबद्दल भाकीतं केली जातात. दैनंदिन राशीभविष्य हे रोजच्या घडामोडींचे अंदाज देते, तर साप्ताहिक, मासिक आणि वार्षिक राशीभविष्य यामध्ये अनुक्रमे येता आठवडा, महिना आणि वर्षाचा अंदाज असतो. दैनिक राशिफल (Horoscope Today 7th October 2024) हे ग्रह-नक्षत्रांच्या हालचालीवर आधारित एक भविष्यवाणी आहे, ज्यामध्ये सर्व राशींचे (मेष, वृषभ, मिथुन, कर्क, सिंह, कन्या, तूळ, वृश्चिक, धनु, मकर, कुंभ आणि मीन) तपशीलवार वर्णन केले आहे. ही कुंडली काढताना ग्रह-नक्षत्रांसह पंचांगाच्या समीकरणाचे विश्लेषण केले जाते. दैनंदिन राशीभविष्य तुम्हाला नोकरी, व्यवसाय, व्यवहार, कुटुंब आणि मित्रांसोबतचे संबंध, आरोग्य आणि दिवसभरातील शुभ-अशुभ घटनांचे भाकीत देते.

मेष राशी (Aries Daily Horoscope)

आजचा दिवस तुमच्यासाठी संमिश्र असणार आहे. मुलांना शारीरिक कष्ट झाल्याने तुम्ही चिंतीत राहाल. आज विचारपूर्वक काम करा. ऑफिसमध्ये वरिष्ठांशी चर्चा होईल. त्याचा तुम्हाला बराच फायदा होईल. आज तुमचा बॉस तुम्हाला मोठी जबाबदारी देऊ शकतो. विद्यार्थ्यांचा उच्च शिक्षणाचा मार्ग मोकळा होईल. सरकारी नोकरीशी संबंधित परीक्षा द्याल. एखाद्याला काही आश्वासन दिलं असेल तर ते पूर्ण करा.

वृषभ राशी (Taurus Daily Horoscope)

आजचा दिवस तुमच्यासाठी सुखमय राहणार आहे. भविष्यासाठी तुम्ही आज काही गुंतवणूक करू शकाल. एखाद्या कामाबाबत आज विचारपूर्वकच निर्णय घ्या. वैवाहीक जीवनात आनंद मिळेल. तुमची जीवनसाथी तुमच्या खांद्याला खांदा लावून चालेल. आज बाहेर फिरायला जाण्याचा प्लानिंग कराल. कार्यक्षेत्रात आज तुम्हाला एखादी मोठी जबाबदारी मिळण्याची शक्यता आहे. संपत्तीशी संबंधित कामात हयगय करू नका.

मिथुन राशी (Gemini Daily Horoscope)

नोकरीतील लोकांसाठी आजचा दिवस चांगला राहील. तुमची पद प्रतिष्ठा वाढेल. तुम्हाला एखादं नवं पद मिळण्याची शक्यता आहे. नव्या कामांमुळे तुमची वेगळी ओळख होईल. महत्त्वाच्या कामासाठी आज खर्च करावा लागणार आहे. व्यापारी लोकांना आज मोठी ऑर्डर मिळण्याची शक्यता आहे. आज एखाद्या महत्त्वाच्या कामावर लक्ष द्या. प्रवासाचा योग आहे. पण प्रवासाला जाण्याचा विचार करा.

कर्क राशी (Cancer Daily Horoscope)

आजचा दिवस तुमच्यासाठी चिंताग्रस्त असणार आहे. तुमच्या एका जुन्या कामाचं तुम्हाला टेन्शन येईल. त्यामुळे तुम्हाला काम करण्यात मन लागणार नाही. व्यावसायिकांच्या हातून आज एखादी डील निसटणार आहे. जुन्या मित्राची दीर्घकाळानंतर भेट होईल. तुम्हाला तुमची ऊर्जा योग्य कामाला लावली पाहिजे. विवाह इच्छुकांना आज लग्नाचे प्रस्ताव येतील. तुम्ही मनापासून लोकांच्या भल्याचा विचार कराल. पण तेच लोक तुम्हाला पाण्यात पाहतील. त्यामुळे आशा लोकांपासून सावध राहा.

सिंह राशी (Leo Daily Horoscope)

आर्थिकदृष्टीने तुमचा आजचा दिवस अत्यंत चांगला राहणार आहे. दीर्घकाळापासून तुमचं अडकलेलं काम पूर्ण होईल. धन प्राप्तीचे मार्ग मोकळे होतील. विद्यार्थ्यांना अभ्यासात मन लावावे लागणार आहे. गावाला जाण्याचा योग आहे. कामात कुरबुरी होतील. शेजारणीबरोबर भांडण होईल. आज धार्मिक कार्यात व्यस्त राहाल. नवरात्र असल्याने तुमचा उत्साह गगनाला भिडणार आहे. नवरात्रीत जीवनसाथीची ओळख होईल.

कन्या राशी (Virgo Daily Horoscope)

आजचा दिवस तुमच्यासाठी सामान्य राहील. नवीन मालमत्ता किंवा घर खरेदी करण्याची योजना आखाल. घरात पूजापाठ झाल्याने घरातील वातावरण आनंदी राहील. दांडिया खेळताना नजरानजर होईल. प्रेमाचे तार जुळतील. आर्थिक व्यवहाराची अडकलेली प्रकरणं आज मार्गी लागतील. तुमची उधारी आज तुम्हाला मिळून जाईल. एखाद्या दूरच्या प्रवासाला जाण्याची शक्यता आहे. घरात बसून कंटाळा आल्याने पिकनिकचा प्लान कराल.

तुळ राशी (Libra Daily Horoscope)

आजचा दिवस तुमच्यासाठी अत्याधिक लाभदायी असणार आहे. तुमचा अडकलेला पैसा आज तुम्हाला मिळणार आहे. नवीन मालमत्ता खरेदी करण्याचा विचार करत असाल तर तुमच्यासाठी ते चांगलंच आहे. एखाद्याकडून विचारपूर्वक पैसे उधार घ्या. तुमच्या घरी आज एखाद्या नव्या पाहुण्याचं आगमन होऊ शकतं. लक्ष्मीची तुमच्या अखंड कृपा राहील. रुसलेल्या मैत्रीणीशी पुन्हा सूत जुळेल. नवीन पुस्तक वाचायला घ्याल.

वृश्चिक राशी (Scorpio Daily Horoscope)

आजचा दिवस तुमच्यासाठी खर्चिक ठरणार आहे. त्यामुळे तुम्हाला तुमच्या जमा आणि खर्चात समतोल साधावा लागणार आहे. नोकरदारांना आजचा दिवस अत्यंत वाईट ठरणार आहे. बॉसशी कडाक्याचं भांडण होण्याची शक्यता आहे. गरज नसताना तुम्हाला आज बराच खर्च करावा लागणार आहे. आज अचानक मित्रांसोबत फिरायला जाण्याचा प्लान कराल. उद्योगातील लोकांनी सावध राहावे. विश्वासू माणसेच विश्वासघात करतील.

धनु राशी (Sagittarius Daily Horoscope)

नोकरीचा शोध घेणाऱ्यांसाठी आजचा दिवस अत्यंत चांगला राहील. एखादा जुना मित्र भेटल्याचा आनंद होईल. तुमची आर्थिक स्थिती चांगली राहील. तुमच्या मनात एखाद्या गोष्टीवरून अस्वस्थता राहील. एकावेळी अनेक कामे अंगावर पडल्याने टेन्शन वाढण्याची शक्यता आहे. आईवडिलांच्या आशीर्वादाने तुमची अडलेली कामे मार्गी लगतील. पीएफचे पैसे मिळण्याची शक्यता आहे. आज नवीन ओळख होईल.

मकर राशी (Capricorn Daily Horoscope)

एखाद्या व्यक्तीच्या आयुष्यात तुम्ही वादळ निर्माण कराल. त्याच्या कुटुंबात संकट निर्माण होईल. त्यामुळे त्या व्यक्तीपासून दूर राहणे योग्य. आजचा दिवस तुम्हाला यश मिळवून देणारा आहे. राजकीय क्षेत्रातील व्यक्तींना आज एखादं मोठं पद मिळण्याची शक्यता आहे. एखाद्या ठिकाणी मोठी गुंतवणूक कराल. एखाद्या जुन्या मित्रासोबत खटपट होण्याची शक्यता आहे. दांडिया खेळताना दगदग होण्याची शक्यता आहे. लव्ह पार्टनरसोबत कडाक्याचं भांडण होईल.

कुंभ राशी (Aquarius Daily Horoscope)

आजचा दिवस तुमच्यासाठी चांगला असेल. सामाजिक क्षेत्रात कार्यरत असणाऱ्यांना नवीन पद मिळेल. कुटुंबात सुरू असलेल्या समस्येतून तुमची सुटका होईल. आज घरातील एखाद्या महत्त्वाच्या कामावर लक्ष द्याल. एखादा जुना आर्थिक व्यवहार तुम्हाला डोकेदुखी ठरले. तुमच्या आयुष्यात आलेली व्यक्ती तुम्हाला त्रासदायक ठरेल. प्रकरण घटस्फोटावर येऊ शकेल. त्यामुळे सावध राहा. एखादी स्पर्धा जिंकल्यामुळे आज तुमच्यावर कौतुकाचा प्रचंड वर्षाव होईल. तुमच्या गावात तुमची जंगी मिरवणूक निघण्याची शक्यता आहे.

मीन राशी (Pisces Daily Horoscope)

तुमच्यावर देवी प्रसन्न आहे. देवीच्या कृपेने तुमची अडलेली कामे मार्गी लागतील. तुमची आई तुम्हाला संपत्तीशी संबंधित महत्त्वाची माहिती देण्याची शक्यता आहे. एखाद्या व्यक्तीच्या अत्यंतिक आहारी गेल्याने वैवाहिक जीवनात वादळ येतील. त्यामुळे सावध राहा. तुमची रागावलेली प्रिय व्यक्ती आज तुमच्याशी संवाद साधेल. कन्स्ट्रक्शनच्या व्यवसायात असणाऱ्यांना आज फायदा होईल. भाऊबीजेची आतापासूनच तयारी कराल.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)