आरक्षणासाठी परभणीतील‎ तरुणाने केली आत्महत्या:जिंतूर तालुक्यातील सोस गावात झाडाला गळफास‎

मराठा आरक्षणाच्या मागणीसाठी‎जिंतूर तालुक्यातील सोस येथील ३० ‎‎‎वर्षीय तरुणाने ‎‎‎आत्महत्या केली.‎‎ही घटना गुरुवारी‎‎ २१ रोजी रात्री‎‎उशीरा उघडकीस ‎‎‎आली. विनायक‎शिंदे असे मृताचे नाव आहे. त्याने‎चिठ्ठी लिहून शेतात झाडाला घेत‎गळफास घेतला. जिंतूर तालुक्यात‎मराठा आरक्षणासाठी ही सहावी ‎आत्महत्या आहे.‎ मराठा आरक्षणाच्या आंदोलनात‎विनायकने सहभाग घेतला होता.‎समाजाला आरक्षण मिळत नसल्याने‎तो मागील काही दिवसांपासून‎अस्वस्थ होता. त्यातूनच त्याने‎ गावालगत असलेल्या शेतात झाडाला‎गळफास घेऊन जीवन संपवले. ही‎घटना नातेवाईकांना समजताच‎‎‎‎‎‎‎‎‎‎‎‎‎‎‎‎‎‎‎‎‎पोलिसांना घटनेची माहिती देण्यात‎आली. सहायक पोलिस निरीक्षक‎सुनील अंधारे व कर्मचाऱ्यांनी‎घटनास्थळी धाव घेत पंचनामा‎केला. शवविच्छेदन डॉ. परिहर यांनी‎केले. या प्रकरणी गोविंद शिंदे यांच्या‎खबरीवरुन चारठाणा पोलिसात‎अकस्मात मृत्यूची नोंद करण्यात‎आली आहे. मृताच्या पश्चात पत्नी,‎दोन मुले, आई- वडील, एक भाऊ‎असा परिवार आहे. या घटनेमुळे‎सोस गावासह परिसरात तीव्र हळहळ‎व्यक्त होत आहे.‎ खिशात आढळली चिठ्ठी‎ आत्महत्येपूर्वी विनायक शिंदेने‎लिहलेली चिठ्ठी खिशात आढळली.‎निवडणुका झाल्या तरी मराठ्यांना‎आरक्षण मिळाले नाही. म्हणून मी‎स्वतः आत्महत्या करत आहे. याला‎कोणीही कारणीभूत नाही, असा‎मजकूर चिठ्ठीत लिहिला होता.‎