ऑनलाईन मोफत मार्गदर्शन, 802 जण सेट-नेट उत्तीर्ण:शिक्षक कौटगीमठ यांची तीन वर्षांपासून सेवा, मराठी, कन्नड आणि इंग्रजी मार्गदर्शन‎

भारतातल्या वेगवेगळ्या राज्यातील ७७ वेळा सेट, नेट, टीईटी परीक्षा उत्तीर्ण होऊन जागतिक विक्रम केलेले मंगरूळे प्रशालेतील शिक्षक धानय्या कौटगीमठ यांनी समाजमाध्यमावर (यु ट्यूब) मार्फत मराठी, कन्नड आणि इंग्रजी भाषेत मोफत मार्गदर्शन व्हिडिओ तयार करून आतापर्यत ८०२ विद्यार्थी सेट, नेट आणि टीईटी परीक्षा उत्तीर्ण होण्यास मदत केले.अन त्यांचीही सेवा अद्यापही सुरु आहे. अक्कलकोट येथील के एल मंगरुळे प्रशालेतील शिक्षक असलेले कौटगीमठ यांनी स्वतःला मिळालेल्या ज्ञान, अनुभवाचा उपयोग इतर विद्यार्थ्यांना व्हावा या उद्देशाने आपली शाळा सांभाळुन दररोज संध्याकाळी एक तास मोफत मार्गदर्शन करीत आहे. कोरोना काळात यु ट्यूब सुरू केले असुन तेंव्हापासून मोफत मार्गदर्शन सुरू आहे. आतापर्यंत त्यांच्या व्हिडिओचा ३५ हजार ८३९ विद्यार्थीनी ऑनलाइन मार्गदर्शन घेतले आहे. तसेच २७ लाख २७ हजार ४५९ जणांनी यु ट्यूब व्याख्यान पाहिले आहे. महाराष्ट्र, गोवा राज्यातील सेट व नेट ची तयारी करणारे समाजातील गरीब, होतकरू, कष्टकरू, महिला, मेकानिक, ड्राइवर , दिव्यांग , शिक्षक आदींनी कौटगीमठ यांच्या ऑनलाइन मार्गदर्शनाचा लाभ घेत सेट नेट परीक्षा उत्तीर्ण होऊन प्राध्यापक झाले आहेत. स्वत कौटगीमठी ४ नेट, ३६ सेट, ३६ टी ई टी आणि १ पी एच डी परीक्षा उत्तीर्ण होत जागतिक विक्रम केले आहे. इंग्रजी साहित्य, महिला अध्ययन, भाषा शास्त्र, शिक्षणशास्त्र, लोक साहित्य असे एकूण पाच विषयात सेट परीक्षा उत्तीर्ण झाले. एकूण १२ वर्षात ७७ परीक्षा उत्तीर्ण झाले. कौटगीमठ यांनी पेपर एक मराठी, इंग्रजी आणि कन्नड भाषेत एकूण तीन पुस्तके लिहीले आहे आणि पेपर २ इंग्रजी साहित्य साठी एकूण पाच पुस्तके लिहीले आहे. तसेच इतर १५ विषयावर सुद्धा नोट्स तयार केले आहेत. कौटगीमठ यांचे यश व तळमळ पाहून युजीसीचे चेअरमन डॉ भूषण कुमार पटवर्धन यांनी नई दिल्ली येथे सत्कार केला. तसेच केएलई संस्थेच्या वतीने चेअरमन डॉ. प्रभाकर कोरे यांनी बेळगाव त्यांचा सत्कार केला. ^सरल पोर्टलमधून कौटगीमठ यांनी समाज माध्यमावर सुरु केलेल्या मोफत मार्गदर्शन मुळे धुळे येथे नियुक्ती झाली. त्यांच्या मुळे यश मिळाले. नितीन तांबे, यशस्वी विद्यार्थी परीक्षा देण्याचा विक्रमही ^इयत्ता १० वी ला केवळ ३७ टक्के आणि इयत्ता १२ वी ला ३६ टक्के गुण घेतले. पण खचून न जाता प्रयत्न करून इंग्रजी विषयांतूनच ७७ परीक्षा उत्तीर्ण होऊन जागतिक विक्रम केला. देशातील ५३ विद्यापीठ ला जाऊन सेट नेट परीक्षा बद्दल मार्गदर्शन केले. आई वडील अशिक्षित असूनही मला प्रोत्साहन दिले. आपले ज्ञान आणि अनुभवाचा उपयोग इतरांना व्हावा म्हणून तीन वर्षांपासून हा उपक्रम सुरु केला. धानय्या कौटगीमठ, प्रशिक्षक