मी खचणार नाही, मी लढणार आहे : स्नेहल जगताप

विधानसभेच्या निवडणुकीत स्नेहल जगताप यांचा झालेला पराभव हा कार्यकर्त्यांना धक्कादायक ठरल्याचे महाडमध्ये सर्वत्र दिसून येत होते सायंकाळी उशिरा शेकडो समर्थकांनी कॅप्टन निवास येथे जाऊन नानासाहेब जगताप व स्नेहल जगताप यांची भेट घेतली. याप्रसंगी महाविकास आघाडीचे सर्व प्रमुख पदाधिकारी उपस्थित होते. याप्रसंगी उपस्थित कार्यकर्त्यांना व सहकारी पदाधिकार्‍यां समोर स्नेहल जगताप यांनी या निवडणुकीदरम्यान दोन महिन्यापासून महाविकास आघाडीच्या सर्व कार्यकर्त्यांनी घेतलेल्या अथक प्रयत्नाबद्दल त्यांना धन्यवाद दिले आपली लढाई ही सोपी नव्हती हे माहीत असूनही महाविकास आघाडीच्या कार्यकर्त्यांनी व शिवसैनिकांनी या लढाईमध्ये तन, मन, धन हरपून सर्वस्व दिल्या कारणानेच आपण 91 हजार मतांपर्यंत पोहोचू शकलो असे स्पष्ट केले. पराभवाची कारण मीमांसा करून पुढील विजयासाठी सर्वांनी सिद्ध होण्याचे आवाहन केले. आपल्या प्रतिस्पर्धी उमेदवाराच्या तुलनेत कार्यकर्त्यांना अनेक अडचणींना सामोरे जावे लागले मात्र तरीसुद्धा कार्यकर्त्यांनी एकजुटीने दिलेला लढा हा पुढील काळासाठी सर्वांना ताकद व प्रेरणादेणारा ठरलेला असा विश्वासही व्यक्त करून कार्यकर्त्यांनी या पराजयामुळे खचून जाऊ नये, असे मत व्यक्त केले. हे आवाहन करताना त्या भावूक झाल्या होत्या. पण लगेच स्वताला सावरले.