काय सांगता! पुण्यात भंगारवाल्याकडे आयफोन 16!

2 hours ago 1

पुणे तेथे काय उणे, असे म्हणतात ते उगीच नाही. आयफोन 16 लाँच होऊन अजून महिनासुद्धा झाला नाही. कंपन्यात लाखभर रुपये पगार असणारे अनेक जण महागडा आयफोन खरेदी करण्याचे स्वप्न बघत आहेत. परंतु पुण्यातील एका भंगारवाल्याकडे दोन-दोन आयफोन असल्याचा एक व्हिडीओ सोशल मीडियावर प्रचंड व्हायरल होत आहे. या भंगारवाल्याने स्वतःसाठी 80 हजार रुपये किंमत असलेला आयफोन 16 खरेदी केला आहे, तर मुलासाठी दीड लाखाहून जास्त किंमत असलेला आयफोन 16 प्रो खरेदी केला आहे, असे व्हायरल व्हिडीओत हा भंगारवाला सांगत आहे.

मुलाला महागडा आयफोन

नवा कोरा ‘आयफोन 16’ हातात असलेला हा भंगारवाला पोटासाठी भंगार वेचण्याचे काम करतो. प्लास्टिकच्या पिशव्या, डबे, बाटल्या, जुनं सामान, फाटके कपडे असे तो जमा करण्याचे काम करतो. मुलाने दहावीत चांगले मार्क मिळवले तर त्याला आयफोन देईन, असे वचन दिले होते. सुदैवाने त्याने चांगले मार्क आणले. त्यामुळे त्याला दीड लाखांपेक्षा जास्त किंमतीचा आयफोन घेऊन दिल्याचे या भंगारवाल्याने सांगितले.

नेटकरी झाले अवाक्

भंगारवाल्याच्या हातात ‘आयफोन 16’ पाहून अनेकांनी आपल्या फोनकडे पाहिले आहे. या व्हिडीओवर नेटकऱ्यांनी भन्नाट कमेंट केल्या आहेत. आयफोन खरेदी करण्यासाठी मुंबईसारख्या शहरात रांगा लागल्या होत्या. परंतु पुण्यातील भंगारवाल्याकडे आयफोन पाहून सोशल मीडियावर अनेकांनी आश्चर्य व्यक्त केले आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article