भाजपच्या संजय पाटलांची राष्ट्रवादीच्या माजी उपनगराध्यक्षाला घरात घुसून मारहाण

2 hours ago 1

कवठेमहांकाळ येथील राष्ट्रवादीचे माजी उपनगराध्यक्ष अय्याज मुल्ला यांना भाजपचे माजी खासदार संजय पाटील आणि त्यांच्या समर्थकांनी घरात घुसून मारहाण केल्याप्रकरणी कवठेमहांकाळ पोलीस ठाण्यामध्ये माजी खासदार संजय पाटील यांच्यासह पाच जणांवर गुन्हा दाखल करण्यात आला.

माजी खासदार संजय पाटील आणि त्यांच्या समर्थकांनी मुल्ला यांच्या घरातील इतर महिला आणि मुलांनाही मारहाण केली, असा आरोप आहे. यावेळी मुल्ला यांना वाचवायला आलेल्या त्यांच्या 76 वर्षीय आईला ढकलून दिले, असेही तक्रारीत नमूद केले आहे.

या घटनेनंतर माजी उपनगराध्यक्ष अय्याज मुल्ला यांच्यासह आमदार सुमनताई पाटील आणि रोहित पाटील यांनी कवठेमहांकाळ पोलीस ठाण्यात तळ ठोकला. राष्ट्रवादीचे कार्यकर्ते आक्रमक झाले. माजी खासदार संजयकाका पाटील यांच्यावर गुन्हा दाखल करण्यात यावा, अशी मागणी यावेळी रोहित पाटील यांनी केली. त्यानंतर हा गुन्हा दाखल झाला. कवठेमहांकाळ पोलीस तपास करीत आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article