कोल्हापुरातील जाधववाडीत तणाव; शाळेतील मुस्लिम प्रार्थनेमुळे हिंदू संघटना आक्रमक

पुढारी ऑनलाईन डेस्क : कोल्हापुरातील जाधववाडीमध्ये असणाऱ्या प्रिन्स शिवाजी विद्यामंदीर शाळेमध्ये, शिक्षकांनी विद्यार्थांना मुस्लिम प्रार्थना म्हणायला सांगितल्यामुळे परिसरात तणाव निर्माण झाला. शिक्षकांनी जाधववाडी येथील शाळेत विद्यार्थ्यांना 'मेरा खुदा बडा है, रहमत करो खुदा से' अशी प्रार्थना म्हणायला लावल्यावरून तणावाचे वातावरण निर्माण झाले. ही घटना दोन दिवसांपूर्वी घडली असल्याची प्राथमिक माहिती समोर आली. पण या घटनेचा व्हिडिओ सध्या सोशल मीडियावर व्हायरल होत असल्याने ही घटना उघडकीस आली. या शाळेजवळ आता पालक आणि हिंदुत्ववादी संघटनांनी आक्षेप घेत शाळेजवळ नागरिकांनी गर्दी केली आहे. या ठिकाणी मोठा पोलिस फौजफाटा तैनात करण्यात आलेला आहे.