जामनेरात निवडणूक कार्यास 76 बूथ कर्मचाऱ्यांची दांडी:मतदारसंघात 342 मतदान केंद्र, 371 पथक

जामनेर विधानसभा क्षेत्रात एकूण ३४२ मतदान केंद्र आहेत. त्यासाठी प्रत्येकी पाच व्यक्ती असलेल्या ३७१ पथकांच्या माध्यमातून १८५५ कर्मचारी नियुक्त करण्यात आले आहेत. या व्यतिरिक्त आशा सेविका अंगणवाडी सेविका यांचीही गरजेनुसार नियुक्ती करण्यात आली आहे. सुरक्षेच्या दृष्टीने तीन डीवायएसपी दोन पीआय १४ एपीआय पीएसआय, ९० गार्ड २६८ होमगार्ड यांची नियुक्ती करण्यात आली आहे. तर मतपेटी गार्डला तीन सेक्शनमध्ये स्पेशल फोर्सचे ५० जवान तैनात करण्यात आले आहेत. मतदान केंद्रांवर सहित्य नेण्यासाठी जामनेर येथे गोळा झालेले कर्मचारी. जामनेर मतदारसंघामध्ये ३,३५,००० मतदार जामनेर मतदारसंघात एकूण ३ लाख ३५ हजार २७४ एकूण मतदार आहेत. बुधवार, २० रोजी मतदान होत असून भाजपतर्फे ग्रामविकास मंत्री गिरीश महाजन यांच्या विरोधात राष्ट्रवादी काँग्रेस शरदचंद्र पवार पक्षाचे दिलीप खोडपे यांच्यात लढत होत आहे.