ज्येष्ठ शाहीर मधुकर नेराळे यांचे निधन

शाहीर नेराळे यांनी शाहीर शिवाजी साबळे यांच्या समवेत राज्यातील शाहिरांची अखिल भारतीय मराठी शाहीर परिषदेची स्थापना केली. या माध्यमातून शाहिरांचे अनेक प्रश्न सोडवले. राज्यातील तमाशा कलावंतांचे संघटनही त्यांनी केले. अनेक ज्येष्ठ शाहीर व तमाशा कलावंतांना त्यांनी मदत मिळवून दिली. राज्य शासनाच्या कलावंत मानधन समितीवर तसेच सेंसर बोर्डावरही त्यांनी पदे भूषविली. वडिलांनी तमाशा कलावंतांसाठी सुरू केलेल्या लालबागच्या हनुमान थेटरचा कारभार त्यांनी सांभाळला. राज्याच्या कानाकोपऱ्यातून येणाऱ्या तमाशा कलावंतांसाठी निराळे यांचे हे थेटर आणि कार्यालय कलावंतांचे आजही आश्रयस्थान आहे.