तब्बल ५२ तासांनंतर छत्रपती संभाजीनगर शहराला मिळणार पाणी

छत्रपती संभाजीनगर, पुढारी वृत्तसेवा : राष्ट्रीय महामार्ग प्रकल्पाने रस्त्याच्या कामासाठी स्थलांतरित केलेली १२०० मिमी व्यासाची मुख्य जलवाहिनी तीन ठिकाणी जोडणीचे काम बुधवारी (दि. २७) रात्री उशिराने पूर्ण इाले. रात्री उशिराने शहराच्या दिशेने पाणीपुरवठा सुरू केला जाणार असून जलवाहिनी भरण्यास किमान बार तासांचा अवधी लागणार आहे. त्यानंतर शहरातील जलकुंभात पाणी दाखल होईल. त्यामुळे पाण्यासाठी तब्बल दोन दिवसांपासून भटकंती सुरू असलेल्या शहरवासीयांना आज गुरुवारी ५२ तासांनंतर पाणीपुरवठा होणार आहे.

राष्ट्रीय महामार्ग प्राधिकरणाने पैठण ते छत्रपती संभाजीनगर या सत्याचे चौपदरीकरणाचे काम हाती घेतले आहे. या कामासाठी शहराला पाणीपुरवठा करणारी बाराशे मिमी व्यासाची मुख्य जलवाहिनी स्थलांतरित करण्यात आली आहे. जलवाहिनी स्थलांतरित केली असली तरी या जलवाहिनीचे क्रॉस कनेक्शन जोडणी शिल्लक असल्यामुळे हे काम करण्यासाठी ४८ तासांचा खंडणकाळ (शटडाऊन) घेण्यात आला. मंगळवारी सकाळी ९ बाजेपासून शहराचा पाणीपुरवठा बंद केला. त्यानंतर गेवराई गाव, कवडगाव, डोरकीन या तीन ठिकाणी जलवाहिनी जोडणीच्या कामाला सुरुवात करण्यात आली. मंगळवारी दिवसभर खोदकाम करून जलवाहिनी जोडणीसाठी बेल्डिंगचे काम सुरू केले. आज बुधवारीही हे काम सुरूच होते. रात्री उशिराने तिन्ही ठिकाणी जलवाहिनी जोडणीचे काम पूर्ण करण्यात आले.