बीड : सोशल मीडियावर आक्षेपार्ह पोस्ट व्हायरल करणाऱ्या विरुद्ध गुन्हा दाखल

केज : सोशल मीडियावर दोन समाजात तेढ निर्माण होईल अशी पोस्ट व्हायरल केल्या प्रकरणी केज पोलिसांनी एका माथेफिरू विरुद्ध गुन्हा दाखल केला आहे.

या बाबतची माहिती अशी की, दि. २७ नोव्हेंबर रोजी केज पोलीसांना माहिती मिळाली की, एका माथेफिरूने त्याच्या फेसबुक अकाऊंटवर मुस्लिम समाजाच्या भावना भडकविणारी पोस्ट व्हायरल केली आहे. त्याची माहिती पोलीस जमादार श्रीकांत चौधरी यांनी प्रभारी अधिकारी वरिष्ठ पोलीस निरीक्षक प्रशांत महाजन यांना दिली. त्यांच्या आदेशावरून पोलिसांनी तपास करून माहिती घेतली असता सदर तरुण हा केज शहरातील अहिल्यादेवी नगर येथील असल्याचे निष्पन्न झाले. सचिन सदाशिव मनेरी असे त्याचे नाव आहे.

त्या नंतर पोलीस निरीक्षक प्रशांत महाजन यांच्या आदेशाने सचिन मनेरी याला पोलिसांनी ताब्यात घेवून त्याच्या विरुद्ध केज पोलीस ठाण्यात गुन्हा दाखल केला. पुढील तपास पोलीस निरीक्षक प्रशांत महाजन हे करीत आहेत.