दुचाकीचा अपघात, दोघांचा मृत्यू:मुरुमात घसरून अपघात झाल्याचा अंदाज‎

तालुक्यातील चिंचोलीजवळ मंगळवारी (दि. ४) मध्यरात्री सव्वा बारा वाजोच्या सुमारास दुचाकी घसरून झालेल्या अपघातात दोन फोटोग्राफरचा मृत्यू झाला. अपघातात सूरज माळी (रा. पांगरी, ता. बार्शी) आणि रविकिरण शिंदे (रा. चिंचोली, ता. बार्शी) या दोघांचा उपचारापूर्वीच मृत्यू झाला. पोलिसांनी दिलेली अधिक माहिती अशी, सुयश शिंदे दुचाकीवरून घरी जात असताना चिंचोलीतील नाना चौधरी यांच्या शेताजवळ त्यांना रस्त्याच्या कडेला एक व्यक्ती गंभीर जखमी अवस्थेत पडलेला दिसला. थांबून पाहिले असता तो सूरज माळी असल्याचे लक्षात आले. जवळच काही अंतरावर त्याची दुचाकी (एमएच १३ ईक्यू ८६५८) पडलेली होती आणि बाजूलाच रविकिरण शिंदे जखमी अवस्थेत पडला होता. शिंदे यांनी तत्काळ १०८ क्रमांकावरची रुग्णवाहिका बोलावली. काही वेळातच रुग्णवाहिकेतून पांगरी ग्रामीण रुग्णालयात हलवण्यात आले. रुग्णालयात दाखल झाल्यानंतर तेथील डॉक्टरांनी तपासणी केली असता दोघांचेही उपचारापूर्वीच निधन झाल्याचे घोषित केले. या घटनेची नोंद पांगरी पोलिस ठाण्यात करण्यात आली असून, पुढील तपास सुरू आहे. सूरज माळी यांच्यावर पांगरीमध्ये तर रविकिरण यांच्यावर चिंचोली येथे अंत्यसंस्कार करण्यात आले. प्राथमिक तपासानुसार, मोटारसायकल रस्त्याच्या बाजूला असलेल्या मुरमात घसरून हा अपघात झाल्याचा अंदाज व्यक्त करण्यात आला आहे. यामध्ये दोघेही गंभीर जखमी झाले आणि त्यातच त्यांचा मृत्यू झाला. याशिवाय कोणत्याही अन्य कारणामुळे हा अपघात झाल्याचा संशय नाही, असे सुयश शिंदे यांनी पोलिसांना दिलेल्या जबाबात नमूद केले आहे. रविकिरण शिंदे