नवीन मोबाईलची पार्टी दिली नाही म्हणून 16 वर्षांच्या मुलाचा जीव घेतला, मित्रांनीच केला घात

2 hours ago 1

मुलांमध्ये मोबईलची क्रेझ चांगलीच पहायला मिळते. त्यामुळे प्रत्येकालाच नवीन मोबाईल घेतल्यावर आनंद होतो. मात्र एका 16 वर्षीय मुलाच्या नवीन मोबाईल घेताल म्हणून जीव गमवावा लागला आहे. नवीन मोबाईल घेतल्याची पार्टी दिली नाही म्हणून त्याच्याच मित्रांनी त्याचा खून केला आहे.

राजधानी दिल्लीमधील शकरपूरमध्ये हा सर्व प्रकार घडला आहे. 16 वर्षीय सचिनने नवीन मोबाईल खरेदी केला होता. 23 सप्टेंबरला सायंकाळी मोबाईल खरेदी करून तो त्याच्या एका मित्रासोबत घरी निघाला होता. त्यावेळी वाटेत असणाऱ्या एका दुकानात त्याचे काही मित्र त्याला भेटले. सचिनचा नवीन मोबाईल पाहिल्यावर त्यांनी त्याच्याकडे पार्टीचा तगादा लावला. मात्र सचिनने पार्टी देण्यास नकार दिला. यावरुन त्यांच्यामध्ये वाद झाला आणि वादाच रुपांतर हाणामारीत झालं. त्याचवेळी एकाने चाकू काढला आणि सचिनला दोन वेळा भोसकलं.

सचिनला तत्काळ रुग्णालयात दाखल करण्यात आले. मात्र, रुग्णालयात नेईपर्यंत त्याचा मृत्यू झाला होता. याप्रकरणी तीन आरोपींवर हत्येचा गुन्हा दाखल केला आहे. पोलिसांनी तीन्ही अल्पवयीन आरोपींना ताब्यात घेतले असून अधिक तपास पोलीस करत आहेत.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article