नादुरुस्त आयशरला धडकून ‎परभणीत 2 दुचाकीस्वार ठार:पाथरीजवळ दोन दिवसांत दोन गंभीर अपघात‎

शॉर्टसर्किटमुळे केबिनला आग ‎‎लागल्यामुळे आयशर ट्रक पाथरी ‎‎शहराजवळील महामार्ग क्रमांक‎६१वर दोन दिवसांपासून उभा होता.‎या ट्रकवर मागून दुचाकीस्वार ‎‎आदळल्याच्या दोन घटना घडल्या. ‎‎दोन्ही घटनांमध्ये दोन दुचाकीस्वार‎ठार झाले.‎ पाथरी तालुक्यात मागील काही ‎‎दिवसांत अपघाताच्या घटना घडत ‎‎आहेत. मंगळवारी व बुधवारी रात्री‎झालेल्या अपघातांमध्ये दोन‎दुचाकीस्वारांचा मृत्यू झाला.‎मंगळवारी (२६ नोव्हेंबर) पाथरी‎तालुक्यातील महामार्ग ६१वर सारोळा‎शिवारात आयशर (डीएल १ जी.ई‎०९३५) वाहनाच्या केबिनमध्ये‎शॉर्टसर्किट झाले. त्यामुळे ट्रकच्या‎केबिनला आग लागली. त्यानंतर‎आयशरचालक वाहन महामार्गावरच‎सोडून पसार झाला. २६ रोजी दुपारी‎एमएच २४ एसी ७१०५ या‎दुचाकीवरून जात असलेले‎इसराईल शहानूर बेग (३८, रा.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎पुपळी, ता. वडवणी, जि. बीड) हे‎आयशरवर धडकून गंभीर जखमी‎झाले. त्यांना उपचारासाठी परभणीला‎पाठवण्यात आले. बुधवारी (२७‎नोव्हेंबर) दुपारी त्यांचा‎उपचारादरम्यान मृत्यू झाला. दुसरी‎घटना बुधवारी (२७ नोव्हेंबर)‎घडली. पाथरी तालुक्यातील हदगाव‎येथील सुरेश शिंदे (२७) हा युवक‎दुचाकीने हदगावकडे जात होता.‎रात्रीच्या अंधारात तो आयशरवर‎मागून आदळला. यात त्याचा जागीच‎मृत्यू झाला. याप्रकरणी पाथरी‎पोलिसात गुन्हा दाखल झाला.‎ ट्रॉलीला रिफ्लेक्टर हवे‎ पाथरी तालुक्यात महामार्गाच्या दुतर्फा‎काटेरी झुडपे वाढल्याने अपघाताचा‎धोका वाढला आहे. सध्या ऊस‎गाळप हंगाम सुरू असून उसाच्या‎ट्रॉल्या रस्त्यावर उभ्या केल्या जात‎आहेत. यापैकी अनेक वाहनांना‎रिफ्लेक्टर नसल्यामुळे अपघात होऊ‎शकतो. त्यामुळे प्रशासनाने‎उपाययोजना करणे आवश्यक आहे.‎