नाशिकमध्ये साेसायटीत पार्किंगचा वाद, चेअरमनसह ‎सदस्यांच्या मारहाणीत रहिवाशाचा मृत्यू‎:कार लावण्याच्या मुद्यावरून झालेल्या वादाचे रूपांतर मारामारीत‎

इमारतीच्या पार्किंगमध्ये कार लावण्याच्या ‎वादातून साेसायटीतीलच इतर ‎रहिवाशांमध्ये झालेल्या वादात ‎‎साेसायटीच्या ‎‎चेअरमनसह इतर ‎‎सदस्यांनी केलेल्या ‎‎‎मारहाणीत एका ‎‎रहिवाशाचा‎‎ उपचारादरम्यान मृत्यू ‎‎‎झाल्याची धक्कादायक ‎‎घटना पंचवटीतील ‎‎हिरावाडी परिसरात ‎घडली. मंगळवारी (दि. 21) सकाळी हा ‎प्रकार उघडकीस आला असून पंचवटी‎पोलिस ठाण्यात साेसायटीच्या‎ चेअरमनसह इतर सदस्यांविराेधात सदाेष‎ मनुष्यवधाचा गुन्हा दाखल करण्यात आला ‎आहे.‎ पोलिसांनी दिलेल्या माहितीनुसार ‎पंचवटीतील हिरावाडी परिसरातील ‎दामाेदरनगर भागात श्री केशवहरी‎ अपार्टमेंटच्या दुसऱ्या मजल्यावरील फ्लॅॅट‎नं. 8 मध्ये राहणारे व्यावसायिक बुधल ‎लक्ष्मण विश्वकर्मा (46) यांचा या ‎मारहाणीत मृत्यू झाला.‎ विश्वकर्मा यांच्या फ्लॅटसमोरील 9‎ नंबरच्या फ्लॅटमध्ये जाधव नामक‎ रहिवासी राहतात. साेमवारी रात्री 10.30‎च्या सुमारास इमारतीच्या वाहन तळावर‎कार लावण्यावरून जाधव व विश्वकर्मा ‎कुटुंबियांत वाद झाला. त्याचे रूपांतर ‎हाणामारीत झाले. हा प्रकार बघून‎ साेसायटीचे चेअरमन वसंत घाेडे व इतर‎ सदस्यांनी विश्वकर्मा यांना ‘तुमचा ‎नेहमीचा त्रास आहे’ असे म्हणत‎ शिवीगाळ केली. त्यानंतर विश्वकर्मा‎ यांनीही शिवीगाळ केल्याने चेअरमनसह ‎इतर सदस्यांनी त्यांना मारहाण केली. यात ‎संशयितातील एका सदस्याने पीव्हीसी‎पाइप डोक्यात मारल्याने विश्वकर्मा गंभीर ‎जखमी झाले. कुटुंबियांनी विश्वकर्मा यांना ‎जिल्हा रुग्णालयात दाखल केले. ‎रुग्णालय प्रवेशद्वारावरच विश्वकर्मा यांना ‎चक्कर आल्याने त्यांना अपघात विभागात ‎दाखल केले असता डाॅक्टरांनी तपासत ‎मृत घोषित केले. याप्रकरणी विश्वकर्मा‎ यांच्या मुलाने मंगळवारी पहाटे जिल्हा‎ रुग्णालयातील पोलिसांना याबाबत माहिती ‎दिली.‎ चेअरमनसह 6 सदस्यांविराेधात गुन्हा दाखल‎ पंचवटी पोलिसांना घटना‎ समजताच त्यांनी केशवहरी ‎अपार्टमेंटमधील रहिवाशांचे‎ जबाब घेतले. विश्वकर्मा यांच्या ‎पत्नी व मुलाच्या तक्रारीनुसार ‎चेअरमनसह सहा सदस्यांविराेधात‎ खुनाचा गुन्हा दाखल केला.‎ याप्रकरणात पोलिसांनी संशयित‎ वसंत घाेडे, विशाल घाेडे, गणेश‎घाेडे यांच्यासह सहा जणांविराेधात ‎गुन्हा दाखल करून त्यांना ताब्यात ‎घेतले आहे.‎ विश्वकर्मा कुटुंबातील सदस्यांचा आक्राेश‎‎ बुधल विश्वकर्मा यांना त्यांच्या पत्नी व मुलासमाेर मारहाण झाल्याने ‎त्यांनी एकच आरडाओरड केली. जखमी अवस्थेत त्यांना जिल्हा‎ रुग्णालयात दाखल केल्यावर त्यांचे निधन झाल्याचे समजताच पत्नीने‎ हंबरडा फाेडला. त्यांच्या पश्चात पत्नी, दाेन मुले असा परिवार आहे. माेठा‎मुलगा त्यांच्या फर्निचरच्या व्यवसायात त्यांना हातभार लावत असून काही‎दिवसांपूर्वीच त्यांची आर्थिक घडी बसली हाेती.‎