निम्मे वर्ष सरले तरी स्काउट गणवेशाची‎ प्रतीक्षा:3000 शाळांचा शिलाईस नकार‎; राज्य शासनाच्या धरसोडीच्या धोरणाचा 2.12 लाख विद्यार्थ्यांना फटका‎

यंदाचे अर्धे शैक्षणिक वर्ष उलटले तरी २.१२ लाख‎विद्यार्थ्यांना अद्याप स्काऊट गाईडचा दुसरा गणवेश‎मिळालेला नाही. हा गणवेश शाळा व्यवस्थापन‎समितीस्तरावर शिलाई करण्याचे निर्देश होते. परंतु,‎सुमारे ३ हजार जि. प. शाळास्तरावरून गणवेश‎शिलाईस नकार देण्यात आला. जिल्हास्तरावर निर्णय‎घेण्याबाबत गटशिक्षणाधिकाऱ्यांनी कळवले आहे.‎आता शिक्षण विभागाने महिला विकास महामंडळाला‎पत्र पाठवले, असले तरी शिलाई कोण करणार यावर‎अंतिम निर्णय अद्याप झालेला नाही.‎ विद्यार्थ्यांचे दोन्ही गणवेश यापूर्वी शाळा स्तरावरच‎उपलब्ध करून दिले जात होते. परंतु, राज्याने एक‎गणवेश योजना आणून कापडाचा पुरवठा केला. हे‎कापड महिला बचत गटांकडून शिलाई करून प्रत्येकी‎दोन गणवेश देण्याचा निर्णय घेतला. परंतु, निर्णयातील‎धरसोडीमुळे स्काउटचा गणवेश शिलाईची जबाबदारी‎पुन्हा शाळा समितीवर सोपवण्यात आली होती. पैकी‎एक गणवेश १.९२ लाख विद्यार्थ्यांना उपलब्ध झाला.‎पण दुसरा ‘स्काउट’चा गणवेशाची शिलाई कोणी‎करायची यावर निर्णय झाला नाही. गणवेशासाठी ११०‎रूपये शिलाई दिली जाणार होती, पण‎शाळास्तरावरून नकार देण्यात आला. त्यामुळे आता‎जिल्हास्तरावर निर्णय‎घेण्याचे कळवले. त्यानुसार‎शिक्षण विभागाने महिला‎आर्थीक विकास मंडळाला‎पत्र देऊन स्काउट गणवेश‎शिलाईबाबत विचारणा केली.‎पण मंडळानेही याबाबत‎निर्णय घेण्यासाठी वरिष्ठ‎कार्यालयाला मार्गदर्शन‎मागवले आहे. त्यामुळे यंदा‎शैक्षणिक वर्ष संपण्यापूर्वी‎दुसरा गणवेश मिळण्याची‎आशा धूसर झाली आहे.‎ बचतगटांकडून शिलाई करू‎ गटशिक्षणाधिकाऱ्यांनी , शाळास्तर गणवेश शिलाईस तयार‎नसल्याने जिल्हास्तरावर निर्णय घेण्याचे कळवले आहे.‎त्यानुसार स्काउट गणवेशाबाबत आम्ही महिला आर्थिक‎विकास महामंडळाला शिलाईसाठी पत्र दिले आहे. ते तयार‎असतील तर त्यांच्याकडून शिलाई करून घेऊ. अन्यथा‎तालुकास्तरावर निविदा मागवून बचतगटाला ते काम देऊ.‎ -भास्कर पाटील, जिल्हा शिक्षणाधिकारी, प्राथमिक.‎ मुख्यालयाची परवानगी घ्यावी लागेल‎ स्काउट गणवेश शिलाई करण्याबाबत शिक्षण विभागाने‎आम्हाला पत्र दिले आहे. पण शिलाई करण्याचे थेट‎अधिकार आम्हाला नाही. याबाबत मुख्यालयाची परवानगी‎घ्यावी लागते. त्यानुसार चार दिवसांपूर्वीच आम्ही‎मंडळाच्या मुंबई येथील व्यवस्थापकीय संचालकांना पत्र‎पाठवले आहे. चारशे गट आमच्याकडे शिलाई करणारे‎आहेत. - संजय गरजे, जिल्हा समन्वय, महिला विकास मंडळ.‎ जिल्ह्यातील १२ हजार विद्यार्थ्यांना‎अद्याप एकही गणवेश नाही‎ नियमीत गणवेश वितरणाच्या अहवालानुसार‎गणवेश पात्र विद्यार्थ्यांची संख्या २ लाख १२‎हजार ७३३ आहे. त्यापैकी महिला विकास‎मंडळाकडून १ लाख ९२ हजार ९३६‎विद्यार्थ्यांचे गणवेश शिलाई करून पुरवठा‎करण्यात आले. अजूनही १२ हजार ७८४‎विद्यार्थ्यांपर्यंत एकही गणवेश पोहोचला नाही.‎तर एकूण २.१२लाख विद्यार्थी दुसऱ्या‎गणवेशापासून वंचित आहेत.‎ गणवेशाबाबत नेमकं घडलंय काय ?‎ शासनाने एक गणवेश योजना आणून कापडाचा पुरवठा‎करून प्रत्येक विद्यार्थ्याला दोन गणवेश देण्याचा निर्णय घेतला.‎कापड उशिरा पोहोचल्यामुळे पहिला गणवेश पोहोचण्यासाठी‎शाळा सुरू झाल्यानंतरही एक महिना उलटला. त्यानंतर‎दुसऱ्या स्काउट गणवेशाचे कापड उशिरा मिळाले. मग‎शासनाने शाळा समितीला ते गणवेश शिवायचे निर्देश दिले.‎परंतु, गटशिक्षणाधिकाऱ्यांकडूनही जिल्हास्तरावर निर्णय‎घेण्याचे कळवले, पण अंतिम निर्णय झाला नसल्याने,‎विद्यार्थी स्काउट गणवेशापासून वंचित राहिले आहेत.‎