पिंजर येथील मानव सेवा आपत्ती व्यवस्थापन फाउंडेशन सन्मानित:अकोला येथे प्रजासत्ताकदिन सोहळ्यात गौरव

पिंजर येथील मानव सेवा आपत्ती व्यवस्थापन फाउंडेशनच्या संत गाडगे बाबा आपत्कालीन शोध व बचाव पथकाचे २०२३ ते २०२४ मधील केलेले आपत्ती व्यवस्थापन नियोजन आणी निवारणासह आपत्ती व्यवस्थापन प्रशिक्षण व जनजागृतीपर तसेच शोध व बचाव कार्यामध्ये उत्कृष्ट कार्य केल्याबद्दल अकोला येथे प्रजासत्ताक दिनाच्या मुख्य सोहळ्यात अकोला जिल्हा प्रशासनाकडून अकोला शास्त्रीय स्टेडियमवरील आयोजित शासकीय कार्यक्रमात राज्याचे कामगार मंत्री तथा जिल्ह्याचे पालकमंत्री आकाश फुंडकर यांच्या हस्ते सन्मानित करण्यात आले. यावेळी आ. रणधीर सावरकर, आ. वसंत खंडेलवाल, आ. अमोल मिटकरी, जिल्हाधिकारी अजित कुंभार, पोलिस अधीक्षक बच्चन सिंहर, निवासी उपजिल्हाधिकारी विजय पाटील, जि. प. मुख्य कार्यकारी अधिकारी बी. वैष्णवी, उपविभागीय अधिकारी डॉ. शरद जावळे, महाबीजचे व्यवस्थापकीय संचालक योगेश कुंभेजकर, म.न.पा. आयुक्त सुनील लहाने उपस्थित होते. यावेळी पथकाचे प्रमुख दीपक सदाफळे, अंकुश सदाफळे, मयूर सळेदार, मयूर कळसकार, शेखर केवट, धीरज राऊत, ऋषिकेश राखोंडे, विष्णू केवट, अश्विन केवट, अभिषेक जवके, शिवम वानखडे, ऋतिक सदाफळे यांना सन्मानित केले.