प्रजासत्ताक दिनाच्या संचलनात १६ राज्ये आणि केंद्रशासित प्रदेश तर १० मंत्रालयांचे चित्ररथ

नवी दिल्ली : 'सुवर्ण भारत: वारसा आणि विकास' ही यंदाच्या प्रजासत्ताक दिनाची थीम आहे. यानिमित्ताने २६ जानेवारी २०२५ रोजी देशाच्या ७६ व्या प्रजासत्ताक दिनाच्या संचलनात १६ राज्ये आणि केंद्रशासित प्रदेश तर १० केंद्रीय मंत्रालयांचे चित्ररथ कर्तव्य पथावर सादर केले जाणार आहेत. हे सर्व चित्ररथ भारताच्या विविध शक्ती आणि उज्ज्वल भविष्याकडे वाटचाल करणाऱ्या, सतत विकसित होत असलेल्या सांस्कृतिक एकात्मतेचे दर्शन घडवतील. सहभागी राज्ये आणि केंद्रशासित प्रदेशांमध्ये गोवा, उत्तराखंड, हरियाणा, झारखंड, गुजरात, आंध्र प्रदेश, पंजाब, उत्तर प्रदेश, बिहार, मध्य प्रदेश, त्रिपुरा, तमिळनाडू, पश्चिम बंगाल, चंदिगड, दिल्ली, दादरा नगर हवेली आणि दिव दमन यांचा समावेश आहे.